Ил Дархан уонна Бырабыыталыстыба дьаһалтатын пресс-сулууспатын хаартыската.
Саха сиригэр быйыл коммунальнай инфраструктура систиэмэтин саҥатытан оҥоруу бырагырааматын олоххо киллэрии саҕаланыа.
Бастакы икки сылга 16 улууска 90 км инженернэй ситими уларытыы былааннанар. Ити барыта 8,5 тыһыынча киһи олоҕун, коммунальнай өҥө хаачыстыбатын тупсарыа уонна эбийиэги эрэллээх оҥоруо, саахал тахсарын кыччатыа.
Бырагыраама 2023-2027 сс. олоххо киирэрэ былааннанар уонна икки түһүмэҕинэн барыа. Бастакы түһүмэх – 2023-2024 сс., иккиһэ – 2025-2027 сс. Бастакы түһүмэххэ үбүлээһин уопсай кээмэйэ 1 млрд солк. буолуо, онтон 761 мөл. солк. тахсата федеральнай бүддьүөттэн тыырыллыа.
«Саха сирэ – коммунальнай инфраструктураны саҥардыы бырагырааматын ситиһиилээхтик көмүскээбит Арассыыйа 15 эрэгийиэннэриттэн биирдэстэрэ. Икки сыл устата Өрөспүүбүлүкэлэр территорияларын сайыннарыы пуондата нөҥүө федеральнай бүддьүөттэн 700 мөл. солк. ылыа. Бастатан туран, ити үп инженернэй инфраструктура сайдыытыгар –16 муниципальнай тэриллии итиинэн хааччыйар ситимин саҥардыыга уонна өрөмүөннээһиҥҥэ туһуланыа», — диэн ОДьКХ уонна энэргиэтикэ миниистирэ Вячеслав Емельянов быһаарар.
Маннык үлэлэр, чуолаан, Амма оройуонугар (Амма сэл.), Анаабырга (Сааскылаах национальнай нэһ.), Булуҥҥа (Тиксии бөһ.), Үөһээ Бүлүүгэ (Үөһээ Бүлүү нэһ.), Бүлүүгэ (Халбаакыга, Бүлүү куоратыгар, 1 Тоҕус нэһ.), Мэҥэ Хаҥаласка (Дьаҥхаада нэһ.), Аллараа Халымаҕа (Халарчинскай чукотскай национальнай уонна Походскай нэһ.), Ньурбаҕа (Ньурба куората), Өлүөхүмэҕэ (Өлүөхүмэ куората), Сунтаарга (Элгээйи нэһ.), Тааттаҕа (Таатта уонна Орто-Амма нэһ.), Томпоҕо (Дьабарыкы Хайа бөһ., Ыҥаа, Саһыл, Томпо нэһ.), Уус Алдаҥҥа (Курбуһах, Мүрү, Байаҕантай, Чэриктэй, Суотту, Баатаҕай нэһ.), Хаҥаласка ( Покровскай), Чурапчыга (Арыылаах нэһ.), Эбээн Бытантайга (Түгэһиир нэһ.) ыытыллыахтара.
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…