160-тан тахса быраас уонна биэлсэр үлэнэн хааччылыннылар

Былырыын Саха сиригэр «Земскэй быраас» уонна «Земскэй биэлсэр» бырагыраамаларынан 16 исписэлиис үлэҕэ ыытыллыбыт: 90 быраас уонна 71 биэлсэр.

Доруобуйа харыстабылын министиэристибэтигэр иһитиннэрбиттэринэн, Арктика оройуоннарыгар 10 быраас уонна 8 биэлсэр барбыт. Амбулаторнайдык мэдииссиинэ көмөтүн оҥорор быраастар өйөбүллэринэн Саха сиригэр быраастарынан хааччыйыы 99,4% буолбут, оттон орто мэдиссиинэ үлэһиттэрэ — 99,9 %.

«Киин балыыһаларынан миэдиктэринэн хааччыйыы Доруобуйа харыстабылын министиэристибэтин тутаах соруга. Бу соруктары ситиһэргэ «Доруобуйа харыстабылын»национальнай бырайыак чэрчитинэн бырагыраамалар олоххо киирэллэр. Саха сирэ сыл ахсын бу соругу 100 % толорор уонна оройуоннааҕы балыыһаларынан хааччыйыыны үрдэтэр», — диэн доруобуйа харыстабылын миниистирэ Лена Афанасьева бэлиэтээтэ.

Тыа сиригэр эбэтэр куораттааҕы тииптээх бөһүөлэктэргэ үлэлии тахсар быраастарга биир кэмнээх төлөбүр кээмэйэ 2 мөл. солк., оттон биэлсэрдэргэ — 1 мөл. солк. тэҥнэһэр. Ону тэҥэ быраастарга — 1 мөл. солк. уонна биэлсэрдэргэ — 500 тыһ. солк. 50 тыһ. киһилээх куораттарга көһөн тиийбиттэргэ көрүллэр. Сиһилии манна аах.