Саха сиригэр Ил Дархан ыйааҕар уонна да атын дьаһалларыгар сөп түбэһиннэрэн байыаннай дьайыы кыттыылаахтарыгар уонна кинилэр дьиэ кэргэттэригэр аадырыстаах көмөнү оҥорууга үлэтэ салҕанар.
Өрөспүүбүлүкэ социальнай тэрилтэлэригэр 1600 киһи номнуо доруобуйаларын чөлүгэр түһэрдилэр диэн СӨ Ил Дарханын уонна Бырабыыталыстыбатын пресс-сулууспата иһитиннэрэр.
Ил Дархан Айсен Николаев эппитинэн, байыаннай дьайыы кыттыылаахтарыгар уонна кинилэр дьиэ кэргэттэригэр көмө – өрөспүүбүлүкэтээҕи уонна муниципальнай былаас уорганнарын сүрүн соруктара. Өрөспүүбүлүкэҕэ социальнай өйөбүл 28 көрүҥэ үлэлиир, өссө даҕаны саҥа дьаһаллар тахсаллар.
«Бүгүҥҥү күҥҥэ 701 байыаннай дьайыы кыттыылааҕа уонна 992 кинилэр дьиэ кэргэттэрин чилиэннэрэ доруобуйа харыстабылын уонна социальнай хааччыйыы тэрилтэтигэр доруобуйаларын чөлүгэр түһэрдилэр. 240 киһи маннык өҥөнү дьиэлэригэр уонна стационар аҥаардаах өҥөнү оҥорор тэрилтэлэргэ олорон ыллылар», – диэн СӨ Бырабыыталыстыбатын бэрэссэдээтэлин солбуйааччы Георгий Степанов брифиҥҥэ эттэ.
Георгий Степанов эппитинэн, өрөспүүбүлүкэҕэ 97 ыал олорор дьиэтин гаастааһыҥҥа материальнай көмөнү ылбыттар. Байыаннай сулууспалаахтар төрөппүттэрэ, 300 киһи санаторий-куруорка эмтэннилэр. Ону тэҥэ байыаннай дьайыы кыттыылаахтарын дьиэ кэргэттэрин 264 чилиэнэ бааһырбыт байыастар эмтэнэ сытар сирдэригэр барарга көмөнү ыллылар.
Саха сиригэр байыаннай дьайыы бэтэрээннэрин үлэҕэ киллэриигэ, Россия атын эрэгийиэннэригэр курдук, улахан болҕомто ууруллар. Нэһилиэнньэ дьарыктаах буолуутун кииннэригэр 357 киһи үлэ көрдөөбүт, ол иһигэр 133 байыаннай дьайыы кыттыылаахтара уонна 224 кинилэр дьиэ кэргэттэрин чилиэннэрэ. Онтон 98 киһи анал үөрэххэ ыытыллыбыт, 184 киһи үлэнэн хааччыллыбыт.
Саха сирэ “Дьоҕус уонна орто биисинэс уонна урбаанньыт тус көҕүлээһинин өйөөһүн” национальнай бырайыакка 2019 сылтан…
Сана үйэҕэ эргиэн үлэтигэр саҥа саҕалааһыннар кэрэхсэбиллээхтэр. Урукку кэмҥэ атыы-тутуу, эргиэн эйгэтигэр "Холбос" биир тэрилтэтэ…
«Оҕо аймаҕы үрдүккэ, сырдыкка, төрөөбүт дойдуга бэриниилээх буоларга сирдээбит "Мэлдьи бэлэм буол!" диэн тумус тыллаах…
Ыам ыйын 15 күнүгэр Дьиэ кэргэн аан дойдутааҕы күнүн бэлиэтээтибит. Онон бүгүн айанньыт, орнитолог, фотограф,…
Нам улууһугар Арбын уонна Түбэ сэлиэнньэлэрин икки ардыларыгар муус дьапталҕатын эстэрии ыытыллыбыта түмүктэри аҕалла. Онно…
Психолог сүбэтэ Ксения Ивашковская – Психоневрология өрөспүүбүлүкэтээҕи диспансерын килиниичэскэй психолога, дьиэ кэргэн психолога, консультант,…