Хаартыска: Ааптар түһэриитэ
«Дойдубут туһугар бары бииргэ!» диэн санаанан салайтаран анал байыаннай дьайыыга дойду көмүскэлигэр сылдьар биир дойдулаахтарбытыгар оҥоһуллар көмө уҕараабат. Бу күннэргэ Афанасий Максимов салайааччылаах Мэҥэ Хаҥалас улууһун дэлэгээссийэтэ байыастарга гуманитарнай көмө илдьэ барда, диэн «Эркээйи» хаһыат суруйар.
Маны сэргэ саһыарар сиэккэ, харысхал, саа уоһун хаата, кылтан-сиэлтэн угунньа, массажер оҥорон биэрдилэр. Саһыарар сиэккэни баайыыга Евдокия Семенова, Людмила Пивоварова, Заредина Сосина, Надежда Павлова, Александра Дашеева, Татьяна Гаврильева, Анастасия Сыромятникова, Татьяна Аргунова, о.д.а. үлэлээннэр, 116 кв миэтэрэ оҥоһуллан барда.
Кылтан-сиэлтэн оҥоһуктарга Федора Наумова, Мария Сергучева, Кыыдаана Прокопьева, Клара Игнатьева, Анастасия Сыромятникова, Пелагея Васильева, харысхалга Татьяна Попова, Розалия Терентьева, Екатерина Иванова, Мария Кычкина, Вера Терякова, о.д.а. үлэлээтилэр.
Уолаттарбыт дойдуларын сонунун аахтыннар, туох үлэ-хамнас барарын биллиннэр диэн «Эркээйи» хаһыат эрэдээксийэтэ улуус хаһыаттарын ыытта. Майатааҕы «Түмэн» уопсастыбаннай холбоһук түмсүүлэриттэн, биирдиилээн көхтөөх дьонуттан уопсайа 100000 солкуобай харчынан хомуллан, “Манчаары” пуондаҕа туттарылынна.
Татьяна Скрябина уонна “Манчаары” успуорт киинин үлэһитэ Февронья Иванова баҕа өттүлэринэн улуустан барар хамаандаҕа дьиэ аһын өйүөлээн ыытан көмөлөстүлэр. Дойдубут туһугар анал байыаннай дьайыыга сылдьар байыастарбытыгар түмсүүлээхтик үлэлиир, көмөлөһөр уопсастыбанньыктарбытыгар барҕа махтал буолуохтун.
Марелла Баишева
Алдан улууһугар сураҕа суох сүппүт икки балыксыты көрдүүллэр. Кинилэри бүтэһигин алтынньы 8 күнүгэр Таас Хонуу…
Быйыл Саха Өрөспүүбүлүкэтигэр Ийэ күнүн уонна Арассыыйа Федерациятыгар Аҕа күнүн бэлиэтээһин биир күҥҥэ – алтынньы…
Ахсынньы 30 күнүгэр диэри «Дальний Восток-Земля приключений» Уһук Илиҥҥэ бастыҥ айаҥҥа Бүтүн Арассыыйатааҕы куонкурус дьүүллүр…
Успуорт уопсастыбаннаһа ХХ үйэ улуу тириэньэрэ Дмитрий Коркин аатынан норуоттар икки ардыларынааҕы турнир иннинэ үтүө…
Алтынньы 15 күнүгэр Арктикатааҕы култуура уонна ускуустуба судаарыстыбаннай института “АГИКИ креативнай индустрияҕа аччыгый академията” бырайыагынан…
Бүгүн Чурапчы нэһилиэгэр "Спортивнай" ТОС-ка 10 пусковой гаас пууна үөрүүлээх быһыыга-майгыга аһылынна. 2024 сылга саҕаламмыт…