17-с кыбаарталга 50 дьиэни уонна оскуоланы тутуохтара

Дьокуускайга 17-с кыбаарталга 53 га иэннээх сиргэ 50 элбэх кыбартыыралаах дьиэни уонна 110 миэстэлээх оскуоланы тутуохтара. Бу туһунан СӨ тутууга, архитектураҕа миниистирин солбуйааччы Галина Новикова иһитиннэрэр диэн СИА суруйар.

— Олунньуга бу кыбаарталы кэлим сайыннарыы туһунан быһаарыыны ылыахпыт. Билиҥҥитэ Өрөспүүбүлүкэтээҕи ипотечнай ааҕыныстыба докумуоннарын оҥордо, куораты тутар сэбиэт маастар-былаанын көрдө. Үбүлээһинэ бэлэмнэнэр, — диэн Галина Новикова этэр.

17-с кыбаарталга 2-с, 4-с микрооройуоннар эмиэ киирсэллэр. Билигин онно 161 элбэх кыбартыыралаах дьиэ баар, итинтэн 154 дьиэ хаарбах туруктааҕынан билиниллибитэ.