Ааптар хаартыската
РФ Бэрэсидьиэнин көмөлөһөөччүтэ Максим Орешкин Саха сиригэр оробуочай сырыытын кэмигэр Өрөспүүбүлүкэ баһылыга Айсен Николаевы кытары Дьокуускай куорат 17-с кыбартаалыгар, «Кырдьаҕас куорат» история-архитектура комплекска, «Звезднай» микрооройуоҥҥа, 68 түөлбэҕэ, о.д.а. сылдьан көрдө.
17 кыбартаалга көһөрүлүннэҕинэ ити миэстэҕэ «Спортивнай»диэн саҥа микрооройуон тутуллуохтаах. Ол туһунан Дьокуускай куорат мэрэ Евгений Григорьев кэпсээтэ.
Максим Орешкин сүрүн сыалынан Дьокуускай уонна Нерюнгри куораттар маастар-былааннарын олоххо киирэрэ төһө бэлэмнээҕин бэрэбиэркэлээтэ. Ол түмүгүнэн суруналыыстары кытары көрсөрүгэр санаатын үллэһиннэ.
«Дьокуускай уонна Нерюнгри куораттар креативнайдык сайдаллар. Бу куораттар маастар-былааннара биир кэмнээх буолбакка, өр кэмнээх сайдыы тиһигинэн буолар. Бүгүн боппуруоһу көрдүбүт, чопчулаатахха, тэхэньиичэскэй мунньах буолла диэххэ сөп. Ситэри быһаарылла илик боппуруостар даҕаны бааллар, этиилэри иһиттибит. Бырайыак бэлэмнэнии таһымыгар сылдьар», — диэтэ РФ Бэрэсидьиэнин көмөлөһөөччүтэ Максим Орешкин.
Ил Дархан Айсен Николаев өрөспүүбүлүкэ бөдөҥ куораттарын маастар-былааннарын туһунан этэригэр, бу Дьокуускай куорат 400 сыллаах үбүлүөйүн көрсө олоххо киириэхтээ5ин, номнуо үлэ саҕаламмытын санатта.
«Дьокуускай куоракка хаарбах дьиэлэртэн дьону көһөрүү биһиги биир сүрүн сорукпутунан буолар. Онуоха 2, 4, 17 кыбартааллары көһөрүү биэс түһүмэҕинэн, 2030 сылга диэри барыа. Көһөрүү Уһук Илин сайдыытын бырагырааматынан, эрэгийиэн инфраструктурнай тутууга бүддьүөт кирэдьиитин бырагырааматынан үбүлэниэ, өрөспүүбүлүкэ бу территориялар кэлим сайдыыларынан дьарыктанан эрэр. Бэлиэтээн этиэм этэ, биһиги Бэрэсидьиэммит быһаарыытынан Уһук Илин уокурук эрэгийиэннэрин кииннэригэр анал казначескай кирэдьиит тыырылынна, быйыл ол 30 млрд солк., онтон 4 млрд солк. курдук үп Дьокуускай сайдыытыгар бэриллиэ», — диэтэ Айсен Николаев.
Ил Дархан биһиги билигин билэбит, дьону хайдах «Звезднай» кыбартаалга көһөрөрү, ол кэнниттэн 17 кыбартаал оннугар социальнай эбийиэктэри хайдах тутары, инфраструктуратын хайдах киллэрэри, онуоха оҥоһуллуохтаах сорук, үлэ элбэх диэн эттэ. Айсен Николаев 17-с кыбартаалга үлэ саҕаланна уонна күүскэ барыа диэн тоһоҕолоон бэлиээтэ.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…