17 саастаах оҕо баан каартатыттан харчыны уорууга уорбаланар

Силиэстийэлиир кэмитиэт Саха сиринээҕи салаатын силиэстийэлиир отделынан 17 саастаах оҕо баан счетуттан харчы уорбутунан холуобунай дьыала тэрилиннэ.

Холуобунай дьыала матырыйаалларынан, уорбаланааччы саҥа билсибит доҕорун баан каартатыттан харчыны уорбут.  Сокуоннай сааһын ситэ илик оҕо Аллараа Кураанах уонна Алдан куоракка баан каартатынан араас табаары атыыласпыт уонна харчыны тус наадатыгар туһаммыт. Кэлин бас билээччи каартата сүппүтүн туһунан бааҥҥа тиийэн сайабылыанньа суруйбут, онно каартаттан харчы устубуттурын, ону-маны атыыласпыттарын туһунан биллэрбиттэр.

Алдан оройуонун полиция отделын үлэһиттэрэ ыыппыт ирдиир-көрдүүр дьаһалларынан уорбаланааччы лиичинэһэ кылгас болдьох иһигэр быһаарыллыбыт. Холуобунай дьыалаҕа силиэстийэлээһин ыытыллар. Бу туһунан Саха сиринээҕи Силиэстийэлиир кэмитиэтин пресс-сулууспата суруйар.