17 саастаах оҕо кроссовка уоран, 5 сылга көҥүлэ быһыллыан сөп

Дьокуускайдааы полиция салаатыгар оҕолорун атаҕын таҥаһын уордарбыт төрөппүттэр сайабылыанньа суруйбуттар. Кинилэр иһитиннэрбиттэринэн, спортивнай комплекстан кинилэр уолларын 8 тыһ.солк. суумалаах кроссовкатын уорбуттар. Бу туһунан СӨ ИДьМ пресс-сулууспата иһитиннэрэр.

Холуобунай ирдэбил үлэһиттэрэ маныаха уорбаланар Ньурба улууһуттан төрүттээх 17 саастаах уолу быһаарбыттар.

Быһаарыллыбытынан, эмсэҕэлээбит уол спортивнай комплекска дьарыктана кэлбит уонна таҥас уларыттар сиргэ кроссовкатын хаалларбыт. Уорбаланааччы маны бэлиэтии көрөн, атах таҥаһын уорбут уонна комплекстан тахсан барбыт. Кини эппитинэн, кроссовканы бэйэтэ кэтээри уорбут.

Уоруллубут төннөрүллүбүт. Уоруунан холуобунай дьыала тэриллибит. Уорбаланааччы биэс сылга тиийэ көҥүлэ быһыллыан сөп.