17 саастаах оҕо уорууга уорбаланан, 5 сылга тиийэ көҥүлэ быһыллыан сөп

Дьокуускайга полиция отделыгар эр киһи уоруу буолбутун туһунан иһитиннэрбит. Кини оонньуур приставкалары харчыга уларсар эбит. Оннук биир приставканы, икки джойстигы уонна кабеллары уларсыбыт. Ону ыйыллыбыт болдьоҕор төннөрбөтөхтөрүн туһунан СӨ ИДьМ пресс-сулууспата суруйар.

Уларсыкка ылбыт киһи төлөпүөнүн ылбат да, суруйдахха эппиэттээбэт да буолбут. Онон эр киһи полицияҕа сайабылыанньа суруйбут. Хоромньу уопсай суумата 80 тыһ.солк. тахсаҕа тэҥнэспит.

Холуобунай ирдэбил үлэһиттэрэ уорбаланааччыны быһаарбыттар. Бу Дьокуускайтан төрүттээх эрдэ сууттана сылдьыбыт 17 саастаах оҕо эбит. Уорбут приставкатын кини атыылаабыт, ол харчытын тус наадаларыгар туттубут.

«Иҥэринии уонна ону туһаныы» ыстатыйанан холуобунай дьыала тэрилиннэ. Эдэр киһи биэс сылга тиийэ көҥүлэ быһыллыан сөп.