17 саастаах уол харчы уорбут

Дьокуускайдааҕы ИДьМ 3-с №-дээх полиция отделын дьуһуурунай чааһыгар олохтоох киһи баан счетуттан 170 тыһ.солк. уордарбытын туһунан иһитиннэрбит. Бу туһунан СӨ ИДьМ пресс-сулууспата суруйар.

Холуобунай ирдэбил үлэһиттэрэ 17 саастаах уол уорбаланарын быһаарбыттар.

Быһаарыллыбытынан, эмсэҕэлээччи уорбаланааччыга суотабай төлөпүөнүн атыылаабыт. Атыыласпыт уол төлөпүөҥҥэ урукку хаһаайын «онлайн-баана» баарын көрөн, харчытын уорбут. Ол харчыны тус наадаларыгар бараабыт.

Уоруунан холуобунай дьыала тэрилиннэ.