17 саастаах уол оптуобустан харчы уорда

ИДьМ  Дьокуускайдааҕы 1№-дээх полиция дьуһуурунай чааһыгар 5900 солкуобай сүппүтүн туһунан сайабылыанньа киирбит.

Суһал көрдөөһүн  түмүгүнэн, холуобунай ирдэбил үлэһиттэрэ 17 саастаах эдэр оҕону туттулар. Онно биллибитинэн, уорбаланааччы уулусса устун хааман иһэн дьиэ таһыгар оптуобус тохтоон турарын көрбүт. Суоппар өттүнээҕи түннүгү арыйан оптуобус иһигэр киирбит уонна 5900 солкуобайы уоран ылбыт. Уоруллубут харчыны кини бэйэтин наадатыгар туттубут.

ИДьМ пресс-сулууспата иһитиннэрбитинэн, Арассыыйа Федерациятын холуобунай кодексатын 158 ыст. 2 ч. «Уоруу» диэн холуобунай дьыала тэриллибит.