Хаартыска: Сахагов.ру
«Благоустройство Дальневосточных дворов» федеральнай бырагыраама чэрчитинэн, 2025 сылга Саха сиригэр 17 тиэргэни тупсаран оҥоруохтара диэн Ил Дархан иһинэн үлэлиир архитектура, тупсаран оҥоруу управлениета иһитиннэрэр.
Бырайыак Дьокуускай, Нерюнгри, Бүлүү курдук муниципальнай тэриллиилэри, ону тэҥэ, Мэҥэ Хаҥалас, Нам улуустарыгар тыа сирин нэһилиэнньэлээх пууннарын хабыаҕа.
Уопсай үбүлээһин 112,1 мөлүйүөн солкуобайга тэҥнэһиэҕэ. Итинтэн 111 мөл. солк. федеральнай бүддьүөттэн, өссө 1,1 мөл. солк. өрөспүүбүлүкэ судаарыстыбаннай бүддьүөтүттэн көрүллэр.
Саамай улахан тупсарыы үлэтин кээмэйэ Нерюнгри куоракка былааннанар, онно 11 тиэргэн тупсарыллыаҕа, ол иһигэр Норуоттар доҕордоһууларын уулуссатын уонна Эйэ проспегын устун. Дьокуускайга Чернышевскай уулуссатыгар тиэргэннэр тупсарыллыахтара.
Ону тэҥэ Бүлүү куоракка, Мэҥэ Хаҥалас улууһун Майа сэлиэнньэтигэр, Нам улууһун Ленскэй нэһилиэгэр үлэ барыаҕа.
Санатан эттэххэ, Саха сирэ бырагыраамаҕа 2022 сылтан кыттар. Урут «1000 дворов в Дальнем Востоке» диэн аатынан олоххо киирбитэ. Онтон 124 тиэргэн уонна мини-паарка, уопсайа 846 мөл. солк. оҥоһуллубта. 2023 сылга өрөспүүбүлүкэҕэ 61 тиэргэни саҥардыыга федеральнай бүддьүөттэн 429 мөлүйүөн көрүллүбүтэ, оттон 2024 сылга уопсайа 102 мөл. солк. Социальнай инфраструктураны тупсарыыга туһуламмыт бырагырааманы дойду бырабыыталыстыбата Арассыыйа бэрэсидьиэнэ Владимир Путин аатыттан ыытар.
Благоустройственные площади смотрите полный список Управления архитектуры и благоустройства при Главе Якутии: https://uaig.sakha.gov.ru/news/8306.
Сиһилии: https://www.sakha.gov.ru/news/8481
“Ежевика тымырдары бөҕөргөтөр кыахтаах. Састаабыгар С битэмиини уонна антиоксиданнары булуохха сөп”, - диэн диетолог, терапевт-быраас…
Горнай улууһун Бэрдьигэстээх сэлиэнньэтигэр түөлбэлэр бэрт көхтөөх үлэни ыыталлар. "Сардаҥа" түөлбэ актыыба иһитиннэрбитинэн, "Бастыҥ уопсастыбаннай…
Полицейскайдар уопсайа 14 мөл. солк. суумалаах 2,5 киилэ ыйааһыннаах кыһыл көмүһү лицензията суох сууйбут икки …
Бүгүн, балаҕан ыйын 3 күнүгэр, «Мындыр саас - көхтөөх уһун үйэлэнии» бырайыак чэрчитинэн, Мэҥэ Хаҥалас…
Тэрилтэ дьоно үлэни биэрээччи уонна бэйэтин быраабын ситэри билбэтэ баар буолар. Ол да иһин, тустаах…
Күһүн үгэнэ — балаҕан ыйын 14 күнүттэн балаҕан ыйын 25 күнүгэр диэри, барыта 11 күн.…