17 тыһыынча ыал «Үйэ оҕолоро» хапытаалы ылла

«Үйэ оҕолоро» хапытаалы быйылгы сыл саҕаланыаҕыттан 945 ыал ылла. 2025 сылга хапытаал кээмэйэ 116 тыһыынча 756 солкуобайга тэҥнэстэ.

2024 сылтан бу хапытаалы 17 232 ыал ылла диэн Үлэ, социальнай сайдыы министиэристибэтэ иһитиннэрэр.

«Үйэ оҕолоро» хапытаалы ылыы судургутуйда, харчыны туһаныы испииһэгэ кэҥээтэ. Хапытаалы ыларга сайабылыанньа суруйар ирдэммэт. Оҕо төрөппүттэрэ Арассыыйа гражданнара буолуохтаахтар уонна Саха сиригэр бастайааннай олоруохтаахтар. Оҕо төрөөбүтүн туһунан сибидиэтэлистибэни ЗАГС управлениетыттан ыллахтарына, хапытаал бэриллэр.

Дьиэ кэргэттэр сүрүннээн олорор усулуобуйаларын тупсаралларыгар уонна тырааныспар ылалларыгар бу хапытаал үбүн туһаналлар.

2025 сылтан төрдүс уонна онтон кэлэр оҕону төрөппүт ыалларга Өрөспүүбүлүкэтээҕи ийэ хапытаала бэриллэр буолбута. Оччотугар «Үйэ оҕолоро» хапытаалы кытары холбоон, 433 тыһыынча солкуобай бэриллэр.