Киин куоракка киһи өлүүлээх баһаар таҕыста

Сэтинньи 30 күнүгэр ЫБММ сулууспатыгар киин куорат Заводская уулуссатыгар 2 этээстээх дьиэ умайарын туһунан иһитиннэрии киирбит.

Икки этээстээх элбэх кыбартыыралаах дьиэ иккис этээһэ умайбыт. Баһаар содулугар биир киһи өлбүт уонна үс киһи эмсэҕэлээбит, ол иһигэр биир оҕо. Быһылаан миэстэтигэр миэдиктэр уонна психологтар үлэлээтилэр.

7 киһи быыһанна, 15 киһи эвакуацияланна. Уот турбут төрүөтэ, буруйдаахтар уонна хоромньу быһаарыллар. Баһаары умуруорууга 55 баһаарынай үлэлээтэ уонна 13 тиэхиньикэ кытынна диэн ЫБММ пресс-сулууспата суруйар.