Үөһээ Бүлүү улууһун дэлэгээссийэтэ гуманитарнай көмөнү тиксэрдэ

Share

Үөһээ Бүлүү улууһун дэлэгээссийэтэ бу күннэргэ анал байыаннай дьайыы зонатыгар гуманитарнай көмөнү тиэрдии сырыы чэрчитинэн 58  байыастары көрүстүлэр.

Сэтинньи 22 күнүттэн Үөһээ Бүлүү улууһун дэлэгээссийэтэ Запорожскай уобаластан саҕалаан Херсонскай уобалаһыгар, Донецкай, Луганскай өрөспүүбүлүкэлэринэн уонна Курскай, Белгородскай уобаластарынан биир дойдулаахтарын көрсөн гуманитарнай көмөнү тиэртилэр.


«Быйыл үһүс гуманитарнай көмөнү тиэрдиигэ сырыыбытын күһүҥҥү идэһэ уонна муҥха кэнниттэн былааннаабыппыт. Онон байыастарбытыгар дойдуларын аһын-үөлүн — эти, балыгы тиксэрдибит. Байыастар дойдуларыттан ахтылҕаннаах астарын тутан олус сэргэхсийдилэр. Маны сэргэ, 6 матаһыыкыл, 3 тепловизор, 3 түүҥҥү прицел, 10 «Асель» дрон детектор, биирдии устуука «Капюшон» уонна «Ромашка» РЭБ ыстаансыйалар, 3 Skyzone COBRA X V4 FPV видео-шлем, биир Инкубатор 2.0 дрон сигналын күүһүрдэр тэрили, ону кытта Үөһээ Бүлү үолохтоохторун аатыттан, баһылык Силигиянов Максим Филиппович туттарбыт, 4 устуука дроннары тиксэрдибит. Сибээскэ  тахсыбатах байыастарбытыгар баһыылкалары Саха Сирин тирэх пууннарыгар хааллардыбыт. Тирэх пуун үлэһиттэрэ баһыылкалары чопчу тиксэриэхтэрэ. Сулууспалыы сылдьар эр хоһууттарбытын кытта көрсөн, туруктарын, хааччыллыыларын, үлэлиир усулуобуйаларын кытта билсистибит. Үөһээ Бүлүүлэр олус түмсүүлээхтик, бэйэ-бэйэлэрин кытта билсэн-кэпсэтэн тэҥҥэ сылдьалларыттан киэн туттабыт.

Анал байыаннай дьайыы хонуутугар саа-саадах тутан эйэлээх олох туһугар туруулаһа сылдьар биир дойдулаахтарбытын өйөөн, биир санаанан салайтаран түмсэммит, байыастарбытын күүскэ өйөөтөхпүтүнэ кыайыыны хайаатар да ситиһиэхпит! Гуманитарнай көмөнү хомуйарга кыттыспыт Үөһээ Бүлүү улууһун олохтоохторугар, тэрилтэлэригэр, урбаанньыттарга, биир күннээх хамнастарын пуондаҕа анаабыт  бүддьүөт үлэһиттэригэр кыайыыга кылааккыт иһин махтанабыт. Иннибит хоту диэки бары бииргэ! Түмсүүнэн — кыайыыга!», — диэн улуус баһылыга Валерий Николаев ТГ-ханаалыгар иһитиннэрэр.

Бу курдук быйыл үһүс төгүлүн гуманитарнай сырыы ситиһиилээхтик түмүктэннэ, диэн Үөһээ Бүлүү улууһун дьаһалтатын пресс-сулууспата суруйар.

Recent Posts

  • Уопсастыба

2025 сыл сүрүн ситиһиилэрэ: “Сыл учуутала‑2025” кыайыылааҕа — Юлия Макарова

Ахсынньыга үөрэх үлэһиттэрин саамай улахан күөн күрэһэ — Бүтүн Арассыыйатааҕы “Сыл учуутала‑2025” күөн күрэс өрөспүүбүлүкэтээҕи…

6 часов ago
  • Интэриэһинэй
  • Сонуннар

2026 сылга сулустар уларытыыны, бэлэҕи … түстүүллэр

2026 сыл зодиак бары бэлиэлэригэр уларытыыны, бэлэҕи бэлэмнээн турар. Сорохтору дьылҕаларын быһаарар көрсүһүү, үлэҕэ үрдээһин…

8 часов ago
  • Интэриэһинэй
  • Сонуннар

КЭПСЭЭННЭ ИСТИЭҔИҤ: «Оҕо кута» (аудио)

sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа   Людмила Попова "Оҕо кута"  кэпсээнин…

9 часов ago
  • Интэриэһинэй

Алексей Сырдык: «Сымнаҕас сыл кэлиэ»…

2026 сыл хайдах буолуоҕун Саха сиригэр киэҥник биллибит экстрасенс Алексей Иванович Божедонов‑Сырдык хаһыаппыт ааҕааччыларын кытары…

11 часов ago
  • Сонуннар
  • Сүрүн

Тохсунньу: Ороһооспо, Кириһиэнньэ, Бастакы Охонооһойоп

Тохсунньу – Таҥха Хаан Айыы ыйа.   Тохсунньу  тутула Тохсунньуну былыр бүтэй кэм дииллэрэ. Хотугу сахалар…

13 часов ago
  • Сонуннар
  • Сүрүн

Күн-дьыл туруга: буурҕалаах уонна 14 кыраадыс тымныы….

Саха сиригэр саҥа сыл саҕаланыытыгар  тыаллаах уонна тымныы күн-дьыл турарын туһунан Саха сиринээҕи гидрометеокиин иһитиннэрэр. …

15 часов ago