Иэстэһээри урут ыаллыы олорбут дьахтар олбуорун алдьаппыт

Мэҥэ Хаҥалас оройуонун олохтооҕо  урукку ыаллыы олорбут дьахтар кыраабыт диэн уорбалаабыт.

Эр киһи иэстэһэн олбуорун алдьатарга быһаарыммыт. Бу туһунан Саха сиринээҕи ИДьМ пресс- сулууспата иһитиннэрэр.

Мэҥэ Хаҥалас оройуонун ИДьМ дьуһуурунай чааһыгар олбуорун алдьаппытарын туһунан аҕам саастаах дьахтар сайабылыанньа түһэрбит. Биллибэт киһи 35 000 солк. тахса материальнай хоромньуну таһааран, олбуору алдьаппыт. Участковай полиция участковай боломуочунайдара уорбаланааччынан 50 саастаах эр киһини туппуттар.

Силиэстийэ быһаарыытынан, түүн итирик туруктаах сылдьан, урукку ыаллыы олорбут дьахтар дьиэтин аттынан сылдьан өһүргэнэн, урукку иирсээннэрин санаабыт уонна олбуор профилиистэрин буорту гынарга санаммыт. Бу чахчынан холуобунай дьыала тэрилиннэ.