Хаар, буурҕа түһэр, күнүс -15-20°С тымныы

Саха сирин синоптиктара бүгүн, ахсынньы 7 күнүгэр, өрөспүүбүлүкэ үгүс оройуоннарынан кыралаан хаар түһэрин, күнүс салгын температурата -15…-20°С кыраадыс тымныы буоларын билгэлээтилэр.

Бу туһунан Саха сиринээҕи УГМС саайта иһитиннэрэр. Саха сирин хотугулуу-илин өттүгэр сөҥүүтэ суох, атын улуустарынан, арҕаа, хоту, күнүс киин улуустарынан кыралаан хаар түһүөҕэ.

Арҕааттан тыаллаах, Өлүөнэ өрүс алын тардыытынан сөкүүндэҕэ 15-18 м. диэри түргэннээх тыаллаах, Арктика кытылынан сөкүүндэҕэ 17-22 м. диэри түргэннээх күүстээх тыаллаах, буурҕа түһэр.

Салгын температурата түүн -20-25°С, хоту, илин -30-35°, Өлүөнэ алын тардыытынан -40-45°С, соҕуруу -15-20°С, арҕаа -10-15°С кыраадыс тымныы. Күнүс салгын температурата -15-20°С, хоту, хотугулуу-арҕаа -20-25°С, хоту, илин -25-30°С, Өлүөнэ алын тардыытынан -30-35°С, арҕаа, соҕуруу -10-15°С, соҕуруулуу-арҕаа -5-10°С кыраадыс тымныы.

Дьокуускайга салгын температурата түүн -29-31°С, күнүс -21-23°С кыраадыс тымныы, түүн сөҥүүтэ суох, күнүс кыратык хаардыыр, соҕуруулуу-илинтэн сөкүүндэҕэ  2-7 м. түргэннээх тыаллаах.