Мэҥэ Хаҥалас Петровкатыгар 1964 с.т. дьахтары түҥнэри көппүттэр

Ахсынньы 6 күнүгэр киэһэ 18 чаас 15 мүнүүтэ саҕана Мэҥэ Хаҥалас улууһун Петровка сэлиэнньэтигэр аҕам саастаах дьахтары түҥнэри көппүттэр.

Бу туһунан Мэҥэ Хаҥаластааҕы Госавтоинспекция отделениетын пресс-сулууспата иһитиннэрдэ.

Бэрэбиэркэ түмүгүнэн 18 чаас 10 мүнүүтэ саҕана 1983 с.т. суоппар НЕФАЗ 66065-46  мааркалаах массыынанан Юбилейнай уулусса өттүттэн Дружба уулуссанан айаннаан иһэн Портовой уулусса 29/1 дьиэтин таһыгар хаҥас өттүгэр тохтообут уонна олбуор иһигэр киирэригэр киһини түҥнэри көппүт.

Саахал түмүгэр, 1964 с.т. дьахтар оройуон киин балыыһатыгар киирбит. Быраастар тааһын уҥуоҕун икки өттүнэн тостубутун диагнозтаабыттар.