Хаартыска: Саргын Скрябин/СИА
Саха кадетскай оскуолатыгар Биллибэт саллаат күнүнэн уонна Аҕа дойду Дьоруойдарын күнүн көрсө «Ийэ дойду туохтан саҕаланар?» пуорум саҕаланна.
Тэрээһин чэрчитинэн историческай квест, форсайт-сиэссийэ уонна Саха сирин биэс оройуонуттан уонна Дьокуускай тэрилтэлэриттэн уон хамаанда кыттыылаах успуорт күрэхтэһиилэрэ ыытыллыахтара. Пуорумҥа ыччакка историческай өйү-санааны бөҕөргөтүүгэ, патриотическай үлэни- хамнаһы уонна гражданскай- патриотическай иитиини сайыннарыыга үлэ ыытыллыаҕа. Тэрээһиҥҥэ барыта 100-тэн тахса кыттааччыны муһунна. Бу бырайыак уратыта диэн манна бэтэрээннэр, ыччат, оскуола үөрэнээччилэрэ, байыаннай дьайыы кыттыылаахтара, ону тэҥэ хомуур хамаандалар састааптарыгар бойобуой дьайыылар бэтэрээннэрэ кытталлар.
«Былаас уонна көлүөнэ утумнаах буолуохтаах. Биһиги көлүөнэттэн көлүөнэҕэ төрөөбүт дойдуга тапталбытын, устуоруйабытын уонна хорсун быһыыларын кэпсиэхтээхпит, фроҥҥа эрэ буолбакка, тыылга эмиэ холобурдаан көрдөрүөхтээхпит. Бу тэрээһиҥҥэ уһулуччу уратыта буолар», — диэтэ СӨ Ил Дарханын уонна Бырабыыталыстыбатын дьаһалтатын салайааччыта Георгий Михайлов.
Ону таһынан, Аҕа дойду Дьоруойдарын күнүн көрсө Камчатскай кыраай дьаһалтата Петропавловскай- Камчатскай оборуона 170 сылыгар аналлаах үбүлүөйдээх мэтээллэри ыытта — билигин Петропавловскай-Камчатскай куораттар.
«170 сыл анараа өттүгэр британскай уонна французскай байыастарын хас да күннээх атаакатын аҕыйах саалаах-сэбиргэллээх гарнизон утарбыта. Бу батальоҥҥа билиҥҥи Арассыыйа Федерациятын 40 субъегын бэрэстэбиитэллэрэ баар этилэр, олор ортолоругар биһиги биир дойдулаахтарбыт. Бу өйдөбүнньүк мэтээллэри туттарбыттарыгар, саамай улахан бэрэстэбиитэллэрбээх биһиги өрөспүүбүлүкэбит буолбута», — диэн Георгий Михайлов бэлиэтээтэ.
Пуорум чэрчитинэн историческай квест, форсайт-сиэссийэ уонна успуорт күрэхтэһиилэрэ ыытыллыахтара, онно Нам, Мэҥэ Хаҥалас, Горнай, Уус Алдан уонна Хаҥалас хамаандалара кыттыахтара. Ону сэргэ Дьокуускай куорат үөрэх кыһаларын, ИДьМ уонна ЫБММ хамаандалара туруннулар.
2025 сылга бизнеси өйүүр сыаллаах «Көдьүүстээх уонна күрэстэһиилээх экэниэмикэ» саҥа национальнай бырайыак саҕаламмыта. Национальнай бырайыак…
Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин…
Ааспыт нэдиэлэҕэ байыастарга анаан үс тиэхиньикэ барда. Бу туһунан "Бары бииргэ Кыайыыга!" хамыыһыйа сүрүннүүр киинин…
Өлөөн улууһугар өрүһү туоруур суолу Өлөөн уонна Харыйалаах сэлиэнньэлэрин икки ардыгар астылар. Муус халыҥа 3…
Ил Дархан көҕүлээһининэн Арктика улуустарын үөрэҕин тэрилтэлэригэр эдэр исписэлиистэри сыһыарыыга туһаайыллар “Арктика учуутала” бырайыак ситиһиилээхтик…
Өрөспүүбүлүкэтээҕи доруобуйалара хааччахтаах оҕолорго аналлаах реабилитациялыыр кииҥҥэ байыаннай дьайыы кыттыылаахтарын дьиэ кэргэттэрин 642 чилиэнэ, ол…