Бүлүү улууһугар киһи өлүүлээх суол быһылаана таҕыста

Ахсынньы 4 күнүгэр 18 чаас  51 мүнүүтэҕэ «Бүлүү» федеральнай суол  442 килэмиэтиригэр суол саахала тахсыбытын туһунан ГИБДД иһитиннэрии киирбит.

Ол курдук, барыллааһын быһыытынан, ахсынньы 4 күнүгэр 18 чаас 30 мүнүүтэҕэ,  1985 сыллаах төрүөх суоппар «Тойота Виш» массыынаны Бүлүү Лөкөчөөнүттэн ыытан  иһэн,   441 килэмиэтиргэ уруулун кыайан туппакка, суолтан түҥнэстибит.
Массыынаҕа  бу кэмҥэ 1982 уонна 1990 сыллаах төрүөх пассажирдар олорсон испиттэр. Мантан биирэ саахал тахсыбытын түмүгэр, суһал көмө кэлиэн иннинэ, тыына быстыбыт.

Билигин суол быһылаанынан бэрэбиэркэ саҕаланна.