Хаартыска: sakha.gov.ru
Өрөспүүбүлүкэтээҕи көһө сылдьар мобильнай биригээдэ быраастара Лаптевтар байҕал кытылыгар Арктикаҕа сытар Булуҥ оройуонугар 849 оҕону көрдүлэр.
Бу туһунан СӨ Доруобуйа харыстабылын министиэристибэтэ иһитиннэрэр. Элбэх хайысхалаах оҕо биригээдэтэ муниципалитеттар бары нэһилиэнньэлээх пууннарыгар сырытта. Бөлөх састаабыгар Арассыыйа Доруобуйа харыстабылын министиэристибэтин Г.И. Турнер аатынан оҕо травматологиятын уонна ортопедиятын национальнай киинин травматолог-быраас Илья Орловскай үлэлээтэ.
«Мобильнай быраастар Арктика зонатын уһук оройуоннарын олохтоохторугар ыарыылары аччатыыга уонна сэрэтиигэ улахан оруоллаах. Чопчу бу чинчийии түһүмэҕэр биһиги доруобуйаны көрүүнү уонна кэлин эмтэнии тэрээһиннэрин ыытыахпытын сөп, ону тэҥэ киин куорат мэдиссиинэ тэрилтэлэрин баазатыгар дириҥэтэн чинчийиэхпит», — диэн бэлиэтээтэ Доруобуйа харыстабылын миниистирэ Лена Афанасьева.
РЦМБ элбэх хайысхалаах биригээдэтэ ахсынньы 3 күнүгэр Дьокуускай куоракка Орто Халыма оройуонуттан командировкаттан төннөн кэллэ. Онно быраастар 878 киһини бэрэбиэркэлээтилэр. Ахсынньы 5 күнүгэр Дьааҥы оройуонугар быраастар өссө биир мобильнай биригээдэтэ 1066 киһини көрүү үлэтин түмүктээтэ. Стоматология бөлөҕүн икки быраас састааптаах биригээдэ Муома оройуонугар сырытта. Стоматологтар Буор Сыһыы, Кулун Өлбүт уонна Соболоох олохтоохторугар көмө оңордулар. Ону сэргэ ахсынньы 5 күнүгэр Орто Халымаҕа түөрт быраастаах психонаркологическай биригээдэ уонна суһал мэдииссинэ көмөтүн үлэһитэ көттүлэр.
Санатан эттэххэ, Ил Дархан Айсен Николаев көҕүлээбит Арктика мэдиссиинэтин саҥа модела 2023 сыл олунньутугар саҕаламмыта. Элбэх өҥөнү оҥорор биригээдэлэр састаабыгар ыраах сытар уонна уустук суоллаах нэһилиэнньэлээх пууннарга тиийбэт анал исписэлиистэр киирэллэр. Билигин бырайыак 13 Арктика оройуоннарын хабар. Географията Арктика зонатыгар киирбэт биэс оройуоҥҥа эмиэ тарҕанар. Мэдиссиинэ көрүүтэ Өлүөхүмэ, Алдан, Ленскэй, Өймөкөөн уонна Уус Маайа оройуоннарынан ыытыллар. Инникитин Саха сирин ыраах сытар уонна уустук суоллаах нэһилиэнньэлээх пууннарын мэдииссинэ көрүүтүнэн хабыы былааннанар.
Үнүр солуоҥҥа тыҥырах оҥорторо тиийдим. Дьоҕус остуолга “Хаас оҥорторорбор гепатит, СПИД, сифилис уо. д. а. ыарыылар сыстыахтарын…
Бүгүн, атырдьах ыйын 30 күнүгэр, Дьокуускай куоракка Саха гимназиятыгар уопсастыбанньыктар, волонтердар, төрөппүттэр, үөрэнээччилэр кыттыылаах "Дьокуускай…
Өймөкөөн улууһун Сордоҥноох нэһилиэгин олохтоохторо Марта уонна Михаил Винокуровтар сайыҥҥы кэмҥэ оҕону үлэҕэ сыһыаран үлэ…
"Карат” диэн ыҥырыллар ааттаах, төрөөбүт Сахатын сиригэр “Е. Николаевна” диэн ытыктабыллаахтык ааттанар кэрэ аҥаар 2001 сылтан…
2025 сыл балаҕан ыйын 1 күнүттэн баантан эбэтэр микро-үп тэрилтэлэриттэн (МФО) ханнык эрэ табаары ыларга…
Полиция үлэһиттэрэ сокуоннай саастарын ситэ илик оҕолор көрүүтэ-истиитэ суох сылдьыыларын уонна буруйу оҥорууларын сэрэтэр систиэмэ…