Хаартыска: СИА
Амма улууһугар Мадьыны ыһыаҕын чэрчитинэн мас тардыһыыга норуоттар икки ардыларынааҕы турнир саҕаланна.
Күрэхтэһиигэ сүүсчэкэ спортсментан сайаапка киирдэ, диэн СИА суруйар.
Турнирга 177 киилэ ыйааһыннаах Монголия спортсмена кыттыаҕа. Турнир Амма улууһуттан төрүттээх Саха сирин уонна Манчаары оонньууларын абсолютнай чөмпүйүөннэрин бириистэригэр ыытыллар уонна норуоттар икки ардыларынааҕы статустаах. Манна мас-рестлинг биллэр «сулустара» кытталлара күүтүллэр.
Аммаҕа Монголияттан Сенгедорж Батбаяр кэлбит. Спортсмен манна аатырбыт Анатолий Баишев кулуубугар үөрэтэр-эрчийэр дьарыгы ааһар. Монгол атырдьах ыйыгар төрөөбүт дойдутугар буолар мас-рестлиҥҥэ аан дойдутааҕы чөмпүйнээккэ бэлэмнэнэр. Аммаҕа ыытыллар турнир бэлэмнэнии түһүмэҕинэн буолар.
Сенгедорж Батбаяр ыйааһына 177 киилэни көрдөрбүт. Оттон турнирга 125 киилэттэн үөһэ ыйааһыннаахтарга киирсиэҕэ. Ол эрээри, аан дойду таһымыгар Монголия спортсмена кыттыбатаҕа биллэр. Оттон бэйэтин дойдутун сүүмэрдэммит хамаандатыгар лидеринэн буолар. Бастакы эргииргэ Уус Алдан улууһун спортсмена Василий Даниловы кытта киирсиэҕэ.
Монгол сүрүн утарсааччыларынан өссө да атын саха спортсменнара баллар. Кинилэр ортолоругар Томпо улууһуттан аан дойду чөмпүйүөнэ Сергей Фролкин киирсиэҕэ. Тэҥнээн көрдөххө, кини ыйааһына 139 киилэ. Өлүөхүмэ улууһуттан сылдьар абсолютнай чөмпүйүөн Евгений Попов ыйааһына 165 киилэ буолбут. Итини кытта 156 киилэлээх Нам улууһуттан сылдьар эдэр мас-рестлер Денис Федоров киирсиэҕэ.
А.Р.Халдеева аатынан Бороҕон модельнай бибилэтиэкэтэ Улуу Кыайыы 80 сылынан Аҕа дойду сэриитин…
Тина Николаевна Лебедева — Саха АССР үтүөлээх бырааһа, Арассыыйа Федерациятын үтүөлээх учуутала, Бочуот уордьанын кавалера, СӨ…
О.П.Иванова - Сидоркевич аатынан Амматааҕы айар сайдыы киинэ сылын аайы үгэскэ кубулуйбут «Хотугу кустук» Амма…
Бэс ыйа -- от-мас, сир симэҕэ тиллэр, чыычаах ыллыыр, сайын саҕаланыыта, үрүҥ түүн түһүүтэ. Норуот…
1977 с. Дьокуускай куоракка олоҥхоҕо, фольклорга сыһыаннаах “Эпическое наследие народов Сибири и Дальнего Востока” диэн Бүтүн Сойуустааҕы научнай…
Тааттаҕа “Манчаары оонньуулара” буолара чугаһаата. Далааһыннаах тэрээһин түһүлгэтигэр дьон-сэргэ тоҕуоруһуо. Улахан эппиэтинэс сүктэриллибит улууһа онно…