Хаартыска: СИА
Ахсынньы 20 күнүгэр Жатай бөһүөлэгэр 1 №-дээх орто уопсай үөрэхтээһинин оскуолатын эбии дьиэтин үөрүүлээх сиэрэ-туома ыытылынна.
Бу бэйэтэ автономнай хочуолунайдаах күн коллектордарыгар олоҕуран үлэлиир Саха сиригэр бастакы оскуола буолуоҕа. 360 миэстэлээх саҥа куорпус Саха сирин Бырабыыталыстыбатын уонна ПроШкола икки ардыларыгар концессиятыгар оҥоһулунна. Жатай оскуолата, бүгүн Марха оскуолатын курдук биир симиэнэҕэ үөрэниэхтэрэ.
«Оскуола аныгы ирдэбилгэ сөп түбэһэр уонна хаачыстыбатынан үөрдэр. Бырайыак судаарыстыбаннай-чааһынай бииргэ үлэлээһин чэрчитинэн, «Прошкола» уонна Сбербаан кыттыылаах концессиянан оҥоһулунна. Биһиги дойдубутугар инфраструктураны сайыннарыыга судургута суох усулуобуйа баарын үрдүнэн, чопчу маннык бырайыактар хамсааһыннара тахсаллара сайдыыны туоһуулур. Маннык бырайыак, бастатан туран, экэниэмкиэ сайдарыгар көмөлөһөр. Ити барыта хардарыта сибээстээх», — диэн үөрэнээччилэргэ уонна педагогтарга Бырабыыталыстыба бэрэссэдээтэлин солбуйааччы Кирилл Бычков эттэ.
Бырайыакка инвестордар үптэрэ тардылынна. Оскуола тутуутун уонна хааччыйыытын сыаната 970 мөл. солк., итинтэн 470 мөл. – капительнай грант, онтон ордуга — ВЭБ.РФ уонна Сбербаантан тардыллыбыт инвестиция.
360 миэстэлээх сабыс саҥа дьиэ 5-11 кылаастан үөрэнээччилэргэ ананна. Оскуола эргэ дьиэтэ начаалынай оскуолаҕа бэриллиэҕэ, эһиил онно хапытаалынай өрөмүөн саҕаланыаҕа.
Дьокуускай куоракка ааспыт сууккаҕа холуобунай ирдэбил үлэһиттэрэ икки уорууну арыйдылар. ИДьМ пресс-сулууспата суруйарынан, икки ноутбук…
Бүгүн, ахсынньы 9 күнүгэр, полиция үлэһиттэрэ интэриниэт ситимигэр "Алеша" тааҥка" мемориальнай эбийиэги киртиппиттэрин туһунан иһитиннэриини…
Офтальмология өрөспүүбүлүкэтээҕи балыыһатыгар байыаннай дьайыы кыттыылаахтарыгар суһал көмөнү оҥоруу салҕанар. Соторутааҕыта Амма улууһуттан төрүттээх байыаска…
Дьокуускайга хантараагынан дьону сүүмэрдиир пууҥҥа пилота суох систиэмэлэр чаастарыгар сулууспалыан баҕалаахтарга ирдэбил туһунан кэпсээтилэр. “РФ…
Бүгүн, Аҕа дойду Дьоруойдарын күнүгэр, Муусука уонна фольклор түмэлигэр байыаннай дьайыы кыттыылаахтарын, былаас уорганнарын, култуура,…
Бүгүн Аҕа дойду Дьоруойдарын күнүгэр Ил Дархан Айсен Николаев биир дойдулаахтарбытын - Арассыыйа Дьоруойдарын кытары…