Саха сиригэр «Бочуоттаах уһуйааччы» бэлиэ олохтонно

Айсен Николаев «СӨ Бочуоттаах уһуйааччыта» бочуоттаах бэлиэни тэрийэр туһунан Ыйаахха илии баттаата.

Наҕараада норуот духуобунай сыаннастарын утумнааһыҥҥа, үлэһит дьону бэлиэтииргэ, билиилэрин хаҥатарга, таһымнарын үрдэтэргэ, уопуттарын үксэтэргэ, сатабылларын тупсарарга, уопсастыбаннай олоххо көхтөөх буолууну иитии иһин, үлэ кэлэктииптэригэр настаабынньыктааһыны пропагандалааһыҥҥа уонна өйүүргэ туттарыллар. Бэлиэ 2025 сылтан саҕалаан эдэр үлэһиттэргэ уопутун, билиитин биэрбит уонна бэйэлэрин дьыалаларын сайыннарыыга кылааттарын киллэрбит үлэһиттэргэ туттарыллыаҕа.

Сыл аайы бэлиэнэн 10-тан тахса киһи наҕараадаланыа. СӨ Үлэҕэ уонна социальнай сайдыыга министиэристибэтин аадырыһыгар ыытыллыбыт сайаапканан биэс хонук болдьоххо хандьыдааттары туруорууга сайабылыанньа «СӨ Бочуоттаах настаабынньыга» бочуоттаах бэлиэни туттарыы хамыыһыйатыгар ыытыллар.

Хамыыһыйа киирбит докумуоннары кулун тутар 31 күнүттэн хойутаабакка көрөр. Хамыыһыйа быһаарыытынан боротокуол оҥоһуллар, хамыыһыйа бэрэссэдээтэлинэн илии баттанар уонна Ил Дархан судаарыстыбаннай наҕараадаларын хамыыһыйатын көрүүтүгэр ыытыллар. Наҕараада ыам ыйын 1 күнүгэр туттарыллар.