Экстрасенстар билгэлэрин таһаарартан аккаастанарга этии киллэрдилэр
Госдуума дьокутаата СМИ-нэн астрологтар уонна айылҕаттан айдарыылаахтар билгэлэрин таһаарартан аккаастанарга ыҥырда.
Госдуума дьокутаата, вице-спикерэ Борис Чернышов (ЛДПР) ол оннугар үөрэх бырайыактарын, ситиһиилэрин, ону сэргэ билим уонна култуура ситиһиилэрин туһунан иһитиннэриилэри таһаарарга этии көтөхтө.
Холобур, Египеккэ СМИ-нэн астрологтары, көрбүөччүлэри уонна да атын «экстрасенстары», билими утарар эйгэни тарҕатыыга бобуу киллэрдилэр. «Арассыыйаҕа ити ньыманы эмиэ туһаныахтарын сөп. Биһиги аныгы технология уонна билим сайдыытын үйэтигэр олоробут. Магияны уонна сымыйа итэҕэли тарҕатыы оннугар үөрэх бырайыактарын, билим уонна култуура ситиһиилэрин туһунан иһитиннэриилэри тарҕатыахха наада. Маннык контент дьиҥнээх туһаны аҕаларын таһынан, СМИ-гэ итэҕэли үрдэтиэ», — диэтэ Чернышов. Бу туһунан РИА новости суруйар.
Кини маны таһынан бөдөҥ эрэдээксийэлэр салалталарын аадырыһыгар туһааннаах ыҥырыылары ыытарын туһунан биллэрдэ. Кини этэринэн, Саҥа дьыллааҕы сынньалаҥ кэмигэр СМИ-нэн сонуннарга үгэс курдук астрологтар, көрбүөччүлэр, шаманнар уонна да атын «экстрасенстар» билгэлэрэ элбэхтик тахсар.
Сообщить об опечатке
Текст, который будет отправлен нашим редакторам: