18-55 саастаах ийэлэри «Аар Кудай» күрэхтэһиигэ кыттарга ыҥыраллар

Саха сиригэр 18-55 саастаах кэрэ аҥаардары, ыал ийэлэрин «Аар Кудай» диэн саҥа күрэскэ кыттарга ыҥыраллар. Манна иис-уус, ас-үөл, дьоҕур, айдарыы хайысхаларыгар бастыҥнары быһаарыахтара.

«Аар Кудай» — саха дьахтарын ис туругун уһугуннарар, таптал, уйгу-быйаҥ өттүгэр салайар, сүдү кыах, бигэ тирэх, бэйэҕэ эрэл биэрэр ураты күрэс», — диэн тэрийээччилэр иһитиннэрэллэр.

Кыайыылаах кэрэ куоҕа дьоһун бэлэҕи туттарыахпыт диэн эрэннэрэллэр.

Кыттыан баҕалаахтартан сайаапкалары от ыйыгар диэри aarkyday_2023@mail.ru почтаҕа күүтэллэр. Билсэр төлөпүөҥҥүт: +79142979882

Видео: социальнай ситимнэртэн.