Салгыы
1800 тахса киһи ойуур баһаарын умуруорар

1800 тахса киһи ойуур баһаарын умуруорар

Ааптар:
11.07.2024, 10:45
Хаартыска: Саха сирин суһал ыстаабын тг-ханаалыттан
Бөлөххө киир:

Бүгүҥҥү иһитиннэриинэн 1853 киһи ойуур баһаарын умуруорар.

Бу туһунан брифиҥҥэ СӨ экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Андрей Коноплев эттэ.

Ойуур баһаарын умуруорууга сылдьар дьонтон 366 олохтоох дьон, онтон атыттара баһаарынайдар уонна быыһааччылар. Маны сэргэ, 124 көлө үлэлиир. Ботурууллааһыҥҥа уонна уоту умуруорууга салгын аалын туһаналлар.

Суукка устатыгар 8 ойуур баһаара (уот хаппыт уопсай иэнэ 1 297 га) Абый, Алдан, Үөһээ Бүлүү, Нерюнгри, Өлүөхүмэ, Томпо улуустарыгар умуруоруллубут. Оттон кэтээн көрүү түмүгүнэн 6 баһаар (229 га) булуллубут.

Суукка саҕаланыыта 139 ойуур баһаара баара бэлиэтэнэр. Мантан Абый, Амма, Бүлүү, Горнай, Мииринэй, Нерюнгри улуустарыгар сэттэ ойуур баһаара бохсуллубут.

Соҕуруу уонна арҕаа улуустарга, Ленскэй, Өлүөхүмэ, Алдан, Нерюнгри улуустарын киллэрэн туран, буруо баара бэлиэтэнэр.

СӨ Ил Дарханын уонна Бырабыыталыстыбатын пресс-сулууспата

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
20 июля
  • 18°C
  • Ощущается: 18°Влажность: 68% Скорость ветра: 2 м/с

Сообщить об опечатке

Текст, который будет отправлен нашим редакторам: