Хартыска: sakhagov
Саха сиригэр анал байыаннай дьайыы кыттыылаахтарын дьиэ кэргэттэригэр — 181 ыалга олорор дьиэни гаастааһыҥҥа көмө оҥоһулунна. Бу туһунан өрөспүүбүлүкэ бырабыыталыстыбатын бэрэссэдээтэлин солбуйааччы Георгий Степанов брифиҥҥэ иһитиннэрдэ.
— Саха сиригэр Ил Дархан уураахтарынан уонна да атын нормативнай аакталарынан анал байыаннай дьайыы кыттыылаахтарыгар уонна кинилэр дьиэ кэргэттэригэр тус сыаллаах көмөнү оҥоруу үлэтэ салҕанар. Ол курдук, бүгүн байыастар 639 төрөппүттэрэ куруорка эмтэнэргэ көмө ыллылар, 485 киһи байыаннайдар эмтэнэр сирдэригэр айанныырга үп-харчы көмөтүнэн туһанна, — диэн эттэ Георгий Степанов.
Бырабыыталыстыба бэрэссэдээтэлин солбуйааччы иһитиннэрбитинэн, анал байыаннай дьайыы 1169 кыттыылааҕа уонна кинилэр дьиэ кэргэттэрин 2126 чилиэнэ доруобуйа харыстабылын уонна социальнай хааччыйыы тэрилтэлэригэр реабилитацияны ааспыттар.
752 киһи, ол иһигэр 273 байыас уонна кинилэр дьиэ кэргэттэрин чилиэннэрэ — 479 киһи дьарыктаах буолуу кииннэригэр үлэ булалларыгар көмө көрдөһөн сайабылыанньа биэрбиттэр. Итинтэн 158 киһи идэҕэ үөрэтиигэ ыытылынна, оттон 435 киһи үлэнэн хааччылынна.
Санатан эттэххэ, Ил Дархан Айсен Николаев Судаарыстыбаннай Мунньахха (Ил Түмэн) Туһаайан этиитигэр анал байыаннай дьайыы кыттыылаахтарын гражданскай олоххо төннөн баран, социальнай адаптацияны ааһалларын биир сүрүн соругунан ааттаабыта.
Дьиэ кэргэни өйүүр Госдума кэмитиэтин баһылыга Нина Останина хас оҕо төрөөтөҕүн ахсын ийэ хапытаалын 25%-нан…
Саха сиригэр полиция үлэһиттэрэ "Стоп алкоголь" диэн суһал-профилактическай эпэрээссийэни ыытан, арыгыны атыылааһыҥҥа сэттэ буруйу кэһиини…
Саха сириттэн байыаннай эпэрээссийэҕэ кыттыбыт Антон Каменскай Омскайга баар Арассыыйа Социальнай пуондатын "Омский" диэн реабилитациялыыр…
Аҕыйах хонуктааҕыта чооруос чыычаах уйа туттан, сымыыттаабытын туһунан видео тарҕанан: “Тыый, тугун эрдэтэй?” – дьон…
Казань куоракка сумоҕа 24 саастарыгар диэри эр дьоҥҥо Арассыыйа чөмпүйэнээтэ уонна бастыыр иһин күрэхтэһии буолла.…
Ыам ыйын бырааһынньыктарынан сибээстээн уонна эбии төлөбүрдэр бэриллэллэринэн, биэнсийэ төлөбүрүн кыраапыгар уларыйыылар баалларын туһунан life.ru…