Бүгүн сорох улуустарга 47 кыраадыска тиийэ тымныйыаҕа

Бүгүн, тохсунньу 13 күнүгэр, Саха сирин сорох улуустарыгар 47 кыраадыска тиийэ тымныйыаҕа диэн УГМС иһитиннэрэр.

Хоту уонна Халымаҕа сөҥүүтэ суох, онтон атын улуустарга кыралаан хаардыыра күүтүллэр.

Салгын температурата түүн -31…-36°, соҕуруулуу-илин -26…-31°, хоту уонна Халымаҕа, хотугулуу-илин -42…-47°. Күнүс -28…-33°, соҕуруу уонна соҕуруулуу-илин -21…-26°, хоту -37…-42°, Халымаҕа -40…-45°.

Киин куоракка кыралаан хаардыаҕа, түүн  -31…-33°, күнүс -29…-31° буолара күүтүллэр.