Хаартыска sakha.gov.ru ылылынна
Саха сирэ «Патриотическай» ТОР федеральнай бырагыраама иитинэн 2024 сылга тиэхиньикэни тиэрдии былаанын толордо.
Ол курдук, байыаннай дьайыы сиригэр-уотугар «Якт-Сокол» квадроцикллар уонна «Тимир Ат» электроматасыыкыллар улахан баартыйанан тиэрдилиннилэр. Бу туһунан СӨ гражданскай көмүскэлин уонна нэһилиэнньэ олоҕор-дьаһаҕар куттал суох буолуутун хааччыйыы министиирэ Дмитрий Лепчиков иһитиннэрдэ.
Кини ДНӨ командировка түмүгүн, тирэх пууннарга сырыыны, байыастары, Арассыыйа Сэбилэниилээх күүстэрин командирдарын кытары көрсүһүүнү кэпсээтэ.
«Тиэхиньикэҕэ эбии наадыйаллара, байыаннай чаастары кытта Саха сирэ хардарыта сибээстээх үлэтэ быһаарылынна. Тирэх пууннарга үлэ тиһиктээхтик салҕанар. Өрөспүүбүлүкэ бэрэстэбиитэллэрэ тохтоло суох үлэлииллэр. Саҥа дьыл күннэригэр тохтоло суох үлэлээн байыастарга бэлэхтэри тиэртилэр», — диэн этэр кини.
Саха сириттэн тиэхиньикэни, гуманитарнай көмөнү, аадырыстаах баһыылкалары тирэх пууннарга тиэрдии салҕанар.
«Бу күннэргэ өрөспүүбүлүкэ тэрилтэлэрэ биэрбит алта УАЗ массыыналарын тиэйбит икки көлө айаннаата. Массыыналарга аадырыстаах баһыылкалар, гуманитарнай көмөлөр бааллар. Суһал ыстаап байыастары наадалаах тэрилинэн эбии хааччыйыыга үлэтэ салҕанар«, — диэтэ Дмитрий Лепчиков.
СӨ Ил Дарханын уонна Бырабыыталыстыбатын пресс-сулууспата
Арассыыйа Юстицияҕа министиэристибэтэ суут үлэтигэр сыһыаннаах саҥа бырайыагы бэлэмнээтэ диэн Ил Түмэн иһитиннэрэр. Мировой суукка…
Быйыл күһүн Мэҥэ Хаҥалас улууһугар Маттаҕа аҕам саастаах уонна доруобуйаларынан хааччахтаах дьон дьиэлэрэ үлэҕэ киириэхтээх.…
ИДьМ 2-с нүөмэрдээх полиция салаатын дознавателэ куорат биир оскуолатыгар тахсыбыт быһылаанынан РФ Холуобунай Кодексын 163-с…
Ил Дархан Айсен Николаев 2024 сыл түмүгүнэн “Водоканал” АУо үпкэ-хаһаайыстыбаҕа үлэтин түмүгүн көрөр мунньахха, Дьокуускай…
Көлүөнэттэн-көлүөнэҕэ бэриллэр бит-билгэ арааһа баар. Үгүс дьон онно олуһун итэҕэйэр, оттон сорохтор наадыйбаттар, улахаҥҥа уурбаттар.…
АЛРОСА Саха сирин бырабыыталыстыбатын уонна Хотугу сир аҕыйах ахсааннаах төрүт норуоттарын ассоциациятын кытары хардарыта бииргэ…