188 киһи бырамыысыланнаска үлэ булла
2024 сылга «Олохтоох каадырдары — бырамыысыланнаска» бырагырааманан Горнай улууһун 188 олохтооҕо үлэ булла. Бу туһунан бырабыыталыстыба бэрэссэдээтэлин солбуйааччы Ольга Балабкина Горнай улууһун Маҕарас нэһилиэгэр отчуот кэмигэр кэпсээтэ.
— Былырыын Горнай улууһуттан 188 киһи, ол иһигэр 108 ыччат бырамыысыланнаска үлэ булла, бу үчүгэй көрдөрүү, — диэн Ольга Балабкина эттэ.
2024 сылга «Олохтоох каадырдары — бырамыысыланнаска» бырагырааманан өрөспүүбүлүкэ 15,3 тыһыынча киһи, ол иһигэр 8,3 тыһыынча ыччат, 5,4 тыһыынча тыа сирин олохтооҕо үлэ буллулар.
Бу бырагыраама Саха сиригэр тохсус сылын үлэлиир. Бу кэм устата «АЛРОСА», «Колмар», «Анаабыр алмаастара» курдук хампаанньаларга 75,6 тыһыынча киһи үлэ булла.
Бырамыысыланнаска үлэ булуон баҕалаах дьон олорор сирдэринэн Дьарыктаах буолуу кииннэригэр уонна навахту14.рф саайтынан сайаапка биэриэхтэрин сөп.
Сообщить об опечатке
Текст, который будет отправлен нашим редакторам: