Хаартыска: Тааттатааҕы култуура уонна успуорт киинин пресс-сулууспата
Бу күннэргэ Таатта улууһун Ытык Күөл сэлиэнньэтин «Сарыал» култуура киинигэр олус сэргэх тэрээһин буолан ааста. Даайа Амматын сатабыллаах хаһаайката Оксана Аргунова бэйэ этиттэн халбаһыы астыырга маастар кылаас тэрийэн ыытта.
«Халбаһыыны төрүт ыксаабакка, наҕыллык, хас биирдии ньыматын тутуһан оҥордоххо ордук табыллар», – диэн хаһаайка кэпсиир. Маастар кылааска Ытык Күөл эдэр хаһаайкалара, эбээлэр астына үөрэннилэр. Бу туһунан Тааттатааҕы култуура уонна успуорт киинин пресс-сулууспата суруйар.
Даайа Аммата нэһилиэк Амма өрүс биир маанылаах хочотун үрдүгэр турар. Манна урукку кэмнэргэ дьон-сэргэ сөбүлээн үөскээбитэ, хороҕор муостаах тоҕуоруспута, сыспай сиэллээх сырыырҕаабыта. Ол бэйэтэ ааспыт үйэ 50-с сылларыттан саҕалаан быраҕыллан, эстэн-быстан, бүтэр уһугар кураанахсыйан, чуҥкунуур чуумпу сатыылыыр дойдутугар кубулуйбута. Ити эрээри 80-с сыллар саҥаларыгар өрөспүүбүлүкэҕэ Амма кырыс сирин туһаҕа таһаарыы хамсааһына тэнийэн, манна саҥа нэһилиэк тэриллэн, билигин улуус биир бастыҥ үлэлээх-хамнастаах сирэ буолар.
Даайа Аммата — эдэр нэһилиэк. Нэһилиэнньэтэ да эдэр, онно эбии эдэр бааһынайдар түөлбэлээн олорор сирдэрэ. Даайа Амматыгар курдук элбэх эдэр бааһынайдаах нэһилиэк ахсааннаах буолуо.
Сэтинньи саҕаланна да, Өктөөп идеяларын өрө тутан кэлбит оҕо, эдэр сааспыт күргүөмнээх күннэрэ хайдах да…
Үөрэх этэринэн, киһи орто сааһа 120 сыл диэн да, дьиҥэ, олохпут итинтэн быдан ырааҕынан кылгас. Быраастар,…
Сыл ахсын сэтинньи саҥатыгар Арассыыйа бары эрэгийиэннэригэр "Ускуустуба түүнэ" диэн аахсыйа ыытыллар. Тэрээһин Норуоттар сомоҕолоһууларын…
Мүөттээх бальзам 500 г. грецкэй эриэхэни, 300 г. мүөтү, 100 г. алоэ сүмэһинин, 4 лимону…
Сарсын, сэтинньи 4 күнүгэр, Дьокуускайга трофейнай байыаннай тиэхиньикэ быыстапката арыллыаҕа. Бу күн биир сүрүн тэрээһининэн…
Владивостокка буолбут Уһук Илиҥҥи хуор олимпиадатыгар "Кыра оҕолор хуордара" номинацияҕа кыттан, "Туймаада эрэлэ" дипломунан уонна үрүҥ…