Хаартыска: sakha.gov.ru
Ойуур баһаарын умуруоруу үлэтэ салҕанар.
Бүгүҥҥү иһитиннэриинэн, ааспыт сууккаҕа Дьааҥы оройуонугар үс ойуур баһаара умуруоруллубут (уот хаппыт уопсай иэнэ 107 гект.), маны таһынан 16 ландшафтнай баһаары өрөспүүбүлүкэ улуустарыгар умуруорбуттар. Уот хаппыт уопсай иэнэ 2 923 гектар.
Суукка устатыгар саҥа баһаар бэлиэтэммэтэх. Бу туһунан СӨ экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Андрей Коноплев иһитиннэрдэ.
Билиҥҥи туругунан өрөспүүбүлүкэҕэ 3 443 гектар сири хаппыт биэс ойуур баһаара бэлиэтэнэр. Бу Дьааҥы, Эбээн Бытантай улуустарыгар. Баһаары умуруорууга 138 киһи 5 тиэхиньикэ үлэлиир.
—417 гектардаах сири хаппыт биир ойуур баһаара бохсулунна. Эбээн Бытантай оройуонугар үс баһаар хонтуруолга тутуллар. Өрөспүүбүлүкэтээҕи КЧС быһаарыытынан 1 324 гект. иэннээх сири хаппыт биир баһаары умуруоруу тохтотулунна, — диэн этэр Коноплев.
Маны таһынан 31 гект. сиринэн биэс ландшафтнай баһаар Дьааҥы, Өймөкөөн оройуоннарыгар баара бэлиэтэнэр.
Баһаар уотуттан сэрэхтээх буолуу эрэсиимэ Дьааҥы уонна Уус Алдан оройуоннарын, ону сэргэ Дьокуускай куорат уокуругун сиригэр-уотугар салҕанар. Ыксаллаах быһыы-майгы эрэсиимэ Дьааҥы улууһугар салҕанар.
Сиһилии: https://www.sakha.gov.ru/news/4445 көрүөххэ сөп.
СӨ Ил Дарханын уонна Бырабыыталыстыбатын пресс-сулууспата
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…