19 саастаах кыыс маҕаһыынтан саҕынньах уорбут

Кыһын  чугаһаан, атыы-эргиэн кииннэригэр саҕынньах, унтуу, сылаас таҥас атыыта элбээтэ. Бу күннэргэ Дьокуускай куоракка биир кыыс  маҕаһыынтан түүлээх кылгас сону  уоран тутулунна. 

Дьокуускай куоракка полиция 2-с нүөмэрдээх отделыгар   маҕаһыын бэрэстэбиитэлиттэн сайабылыанньа киирбит.  Атыы-эргиэн саалатыттан түүлээх кылгас сону   уорбуттар.  Холуобунай ирдэбил үлэһиттэрэ суһал-ирдиир үлэ кэмигэр  уорбаланааччы ким  буоларын  быһаарбыттар.

Ол курдук 19 саастаах устудьуоҥка  атыы-эргиэн саалатыгар киирэн ким да көрбөтүн туһанан, сону  ылаат да, түргэнник тахсан барбыт.

Билигин  уоруйах кыыстан сону ыллылар. Киниэхэ РФ Холуобунай кодексын 158 ыст. 1 чааһынан холуобунай дьыала тэриллибитин туһунан Ис дьыала пресс-сулууспата иһитиннэрдэ.