190-тан устудьуон “Сыл устудьуона” бириэмийэ эрэгийиэннээҕи түһүмэҕэр кыттар

Өрөспүүбүлүкэ 28 кэллиэһиттэн уонна тиэхиньикумуттан 194 устудьуон “Сыл устудьуона” Арассыыйа национальнай бириэмийэтин  эрэгийиэннээҕи түһүмэҕин чэрчитинэн  бэйэтин ситиһиилэрин уонна көҕүлээһиннэрин билиһиннэрэр.

Бастыҥ лиидэрдэр айар үлэҕэ, успуорка, доброволецтарга, уопсастыбаннай үлэҕэ араас  номинацияларынан быһаарыллыахтара. Бастыҥнар Бүтүн Арассыыйатааҕы түмүк түһүмэххэ кыттыахтара.

«Биһиги устудьуоннарбыт куонкурус көмөтүнэн  бэйэлэрин дьыалаларын дьиҥнээхтик  баһылыыллар, көхтөөх уопсастыбанньык буолаллар. Былырыын  18 талааннаах ыччат  бириэмийэни туттарыыга  Саха сирин билиһиннэрбитэ. Чурапчытааҕы аграрнай-тиэхиньиичэскэй кэллиэс   устудьуона Максим Боппоенов «Профессионал года» номинацияҕа лауреат буолбута. Кини билигин баһаарынай чаас начаалынньыгынан ситиһиилээхтик үлэлии сылдьар. Быйыл Киров куоракка сэтинньигэ буолар түмүк таһаарыыга өссө да элбэх талааннаах оҕо барарыгар эрэнэбит”, — диэн СӨ Үөрэхтээһиҥҥэ уонна наукаҕа  министиэристибэтин наука, профессиональнай үөрэхтээһин уонна тус сыаллаах бэлэмнээһин эйгэтигэр судаарыстыбаннай бэлиитикэ департаменын салайааччы Айаал Докторов бэлиэтээн эттэ.