190 ынах төрөөтө

Өлүөхүмэ улууһун “Кладовая Олекмы” ХЭТ туһунан Саха сирин олохтоохторо киэҥник билэллэр. Бу “Туймаада-агрохолдинг” (Ефремов П.С.) иһинэн үлэлиир тэрилтэ үлэтэ-хамнаһа тахсыылаах, көрдөрүүлэрэ үчүгэйдэр.

Быйылгы кыстыкка манна 403 ынах кыстаан турар. Итинтэн аҥаарын кэриҥэ төрөөбүт. Ол курдук, 190 ынах төрөөн, үрүҥ илгэ үрүлүйэн эрэр. Манна күн аайы 3,5 туонна үүтү ыыллар. Биир ынахтан — 19 киилэни. Онон Иннокентий Дмитриевич Осипов салайааччылаах хаһаайыстыбаҕа кыстык этэҥҥэ баран иһэр.

Хаартыска: СИА