Смоленскай уобалас Гагаринскай оройуонун дьаһалтатын салалтатын кытта Саха сирин оробуочай бөлөҕө «Бастионы памяти» былаһаакка миэстэтин анаатылар. Мемориалы 365- с стрелковай полк уонна 119- с стрелковай дивизия Пааматынньыгын стелатын кытары кэккэлэһэ туруоруохтара.
Олунньу 18 күнүгэр Калужскай уобаласка мемориалы туруорар сирин быһаарарга тиийэр былааннаахтар. Итини кытта Калужскай уобалас Боровскай оройуонугар мемориал туруорары дьүүллэһэллэр. Ый бүтүүтэ Псковскай уобалаһыгар барар былааннаахтар.
Аҕа дойду Улуу сэриитин кыттыылаахтарыгар саха буойуннарыгар аналлаах «Бастионы памяти» норуоттар икки ардыларынааҕы историко-патриотическай бырайыагы олоххо киллэрии туһунан Дархан Айсен Николаев Ил Түмэҥҥэ туһаайан этиитин кэмигэр иһитиннэрбитэ. Мемориальнай комплекстар үс эрэгийиэҥҥэ – Калужскай, Смоленскай уонна Псковскай уобаластарга тутуллуохтара.
«Бүгүн «поисковиктар» көмөлөрүнэн улахан испииһэк оҥоһулунна, манна саха саллааттарын 2263 ааттара киирдилэр: Смоленскайга — 755 , Псковскайга — 719, Калужскайга — 789. Кинилэр ааттара гранитнай билиитэлэргэ суруллан, мемориалга бэлиэтэниэхтэрэ. Өлбүт буойуннар испииһэктэрэ мэлдьи саҥардылла туруо», — диэн Култуура министиэристибэтигэр иһитиннэрдилэр.
Саха сиригэр «Бастионы Памяти» историко-патриотическай бырайыак эскиистэрин оҥорууга куонкурус түмүгүн таһаарда — кыайыылааҕынан Москватааҕы финансовай-бырамыысыланнай университет дизайн салаатын 4 кууруһун устудьуона Екатерина Дмитриева буолла.
Пааматынньык саха национальнай култууратын элеменнэринэн киэргэтиллэн, икки өттүнэн өлбүт буойуннар ааттара уонна араспаанньалара бэлиэтэммит мемориальнай комплекстан туруоҕа.
Маны таһынан Волгоград уобалаһыгар «Сталинградская битва» диэн судаарыстыбаннай историко- мемориальнай түмэл-заповедник Сталинградтааҕы кыргыһыыга кыттыбыт саха буойуннарыгар өйдөбүнньүк бэлиэни туруоруоҕа. Пааматынньык эскиһинэн Саха сирин биллэр архитектора, өрөспүүбүлүкэтээҕи «Сохраним памятники» бырайыак кыттыылааҕа, Аҕа дойду Улуу сэриитигэр аналлаах элбэх мемориальнай комплекстар ааптара Андрей Ядрихинскай «Сталинград благодарной Якутии» диэн суругу нууччалыы уонна сахалыы тылларынан гранит билиитэҕэ үйэтитиэҕэ.
Ону сэргэ «Бастионы Памяти» бырайыагынан Новгородскай уобаласка өлбүт буойуннар ааттарынан пааматынньык туруоруллуоҕа. Буойуннар испииһэктэрин манна киирэн көрүөххэ сөп: Смоленскай уолбалас, Псковскай уобалас уонна Калужскай уобалас.
Ил Дархан Айсен Николаев СӨ Бырабыыталыстыбатын уонна дьаһалтатын салалтатын кытта сүбэ мунньаҕы ыытта уонна чугастааҕы соруктары …
Ил Түмэн пленарнай мунньаҕар бэлэмнэнии чэрчитинэн, Ил Дархан Айсен Николаев бүгүн, алтынньы 20 күнүгэр, парламент…
СӨ Бастакы Бэрэсидьиэнэ Михаил Ефимович Николаев 1993 сыллааҕы ыйааҕынан, алтынньы үһүс баскыһыанньатыгар Ийэ күнэ бэлиэтэнэр.…
Томаттан (помидортан) оҥоһуллар тума элбэх бүлүүдэҕэ барсар, ас амтанын олус тупсарар. Дьэ, судургу ырыссыабынан астаан…
СӨ ОДьКХ уонна энергетика министиэристибэтин кэлэктиибэ «Кладовая осени» күһүҥҥү аһымал дьаарбаҥкаҕа көхтөөхтүк кытынна. Министиэристибэ уонна…
Мииринэй оройуонугар эр киһи атын дьон кыбартыыратыгар киирэн, утуйа сытар кыыска саба түһэн күүһүлүү сатаабыт.…