Өрөспүүбүлүкэтээҕи реабилитационнай кииҥҥэ дьон маассабайдык сүһүрбүттэринэн бэрэбиэркэ ыытыллар

Реабилитационнай кииҥҥэ дьон маассабайдык инфекционнай оһоҕос ыарыытынан сүһүрбүттэрин туһунан иһитиннэриини бэрэбиэркэлииллэр.

Олунньу 28 күнүгэр маассабай информация сириэстибэлэринэн Өрөспүүбүлүкэтээҕи  реабилитационнай уонна успуорт мэдиссиинэтин киинигэр 70-тан тахса киһи сытыы инфекционнай оһоҕос ыарыытынан сүһүрбүттэрин туһунан иһитиннэрии киэҥник тарҕанна. Эмсэҕэлээбит дьон ахсааныгар оҕолор эмиэ бааллар диэн биллэрэллэр. Бу иһитиннэриигэ олоҕуран Саха сиринээҕи Силиэстийэлиир кэмитиэтин управлениета процессуальнай бэрэбиэркэни ыытарын тэрийдэ.

Бэрэбиэркэ чэрчитинэн силиэстийэлээччилэр кэтээн көрүүнү ыыталлар, ыйытылары биэрэллэр уонна быһылаан тахсыбыт төрүөтүн быһаараллар.

Бэрэбиэркэ түмүгүнэн федеральнай сокуонунан сөптөөх быһаарыы ылыллыаҕа. Бу туһунан Саха сиринээҕи Силиэстийэлиир кэмтитиэтин пресс-сулууспата суруйар.

Ыарыһахтар истэрэ ыалдьыбытынан бэрэбиэркэ ыытылынна