Босхо юридическай көмөнү оҥоруу салҕанар

Судаарыстыбаннай пуонда филиала үлэлиир кэмигэр 2023 сыл бэс ыйын 1 күнүттэн диэри эпиэкэҕэ сылдьар дьоҥҥо 1185 көмө оҥоһулунна. Бу туһунан кулун тутар 4 күнүгэр Саха сиригэр «Аҕа дойдуну көмүскээччилэр» анал байыаннай дьайыы кыттыылаахтарын өйүүр судаарыстыбаннай фонда филиалын быраап боппуруостарыгар салайааччыны солбуйааччы Александр Захаров иһитиннэрдэ.

«Аҕа дойдуну көмүскээччилэр» пуонда филиалын үлэтин биир хайысхатынан анал байыаннай дьайыыга уонна байыаннай сулууспалаахтар дьиэ кэргэттэрин чилиэннэригэр босхо юридическай көмөнү оҥоруу буолар. Ону тэҥэ төрөппүттэр уонна аймахтара тахсыахтарын сөп», – диэн Александр Захаров бэлиэтээтэ.

Аҕа дойдуну көмүскээччилэр күнүн көрсө СӨ Госкомюстиция филиалын кытта бойобуой дьайыылар бэтэрээннэригэр, кыттааччыларыгар уонна кинилэр дьиэ кэргэттэригэр 14 тэрилтэ кыттыылаах босхо юридическай көмө күнүн тэрийэн ыытта. Бу күн 500-тэн тахса киһи консультация уонна юридическай көмөнү ыллылар.

Гражданнар араас боппуруостарынан тахсаллар. Филиал былаһааккатыгар күн аайы иккис уонна төрдүс бээтинсэҕэ Элбэх өйөнү оҥорор киин юрисконсула уонна байыаннай борокуруор кыттыылаах холбоһуктаах көрсүһүүлэри ыыталлар.  Сиһилии манна аах.