Дьокуускайга 16 саастаах кыыһы түҥнэри көппүттэр

Кулун тутар 6 күнүгэр Дьокуускайга суоппар суолу туораан испит 16 саастаах кыыһы түҥнэри көппүт.

Ол туһунан киин Госавтоинспекцияҕа иһитиннэрдилэр. Саахал күнүс чэппиэргэ 11:00 чаас саҕана буолбут. Барыллаан быһаарыынан, 39 саастаах суоппар Семен Данилов аатынан уулусса өттүттэн айаннаан испит уонна Петр Алексеев аатынан уулусса 68 №-дээх дьиэтин таһыгар суолу туораан иһэр кыыһы түҥнэри көппүт.

Саахал түмүгэр кыыс уоһун бааһырдыбыт. Тахсыбыт быһылаанынан бэрэбиэркэ ыытыллар. Ааспыт сууккаҕа буолбут чахчынан Дьокуускайга барыта 13 саахал регистрацияламмыт.