Хаартыска: Дьокуускай куорат суол-тырааныспар сулууспатын ханаала
Дьокуускайга куорат уулуссаларыгар сибэккинэн эргиниинэн дьарыктанар маршрутнай оптуобустары бэрэбиэркэлиэхтэрэ. Бу туһунан куорат баһылыга Евгений Григорьев бэйэтин ТГ-ханаалыгар иһитиннэрдэ.
«Бүгүн сарсыардаттан куорат олохтоохторо пассажирдары таһар, уулуссаҕа сибэккинэн эргинэр, маршрутнай оптуобустар хаартыскаларын ыыттылар. Куорат олохтоохторун сиэрдээх аймалҕаннарын өйдүүбүн. Бырааһынньык иннинэ куорат киинигэр дьон сырыыта улаатар!» — диэн Евгений Григорьев суруйда.
Евгений Григорьев куораттааҕы суол-тырааныспар сулууспатын салайааччытыгар Эдуард Садовниковка үөскээбит балаһыанньаны быһаарарга сорудахтаата.
«Эдуард Садовниковка бу көстүүнү кытта быһаарсарга, бэрэбиэркэ ыытарга уонна марштурнай лииньийиэттэн туораабыт оптуобустарга кытаанах миэрэлэри ыларга сорудахтаатым», — диэн куорат баһылыга бэлиэтиир. Дьокуускай куорат суол-тырааныспар сулууспатын ханаала иһитиннэрэринэн, кулун тутар 7 күнүгэр сарсыарда сибэккинэн эргинэр 14 оптуобус бэрэбиэркэлэннэ. Мантан икки оптуобус маршруттарга сыһыана суохтара билиннэ. Куоракка оптуобустары бэрэбиэркэлиир түөрт мобильнай бөлөх үлэлиир. Сыыһа парковкаланар тырааныспардары кэтээн көрүүгэ эмиэ рейдэлэр ыытылыннылар. Бэрэбиэркэлэр салгыы кулн тутар 8 күннэригэр диэри ыытыллыахтара.
Дьокуускай куорат "Спортивнай" түөлбэтигэр уопсайа 329 тыһыынча кв.м кэриҥэ иэннээх 53 элбэх кыбартыыралаах дьиэ тутуута…
Бүгүн, олунньу 3 күнүгэр, киэһээ 16:14 чааска Саха сирин Быыһыыр сулууспатыгар 112 нүөмэригэр Бүлүүлүүр суол…
Үгэскэ кубулуйбут «Тымныы полюһугар айан 2026» бэстибээл улууска кулун тутар 28 күнүттэн 30 күнүгэр диэри…
Полиция албын дьиэтээҕи чаттарга ыытар түөкүн чат-бот сигэлэрэ баар буолбуттарын иһитиннэрдэ. Холобур, счетчигы бэрэбиэркэлиир маннык…
Вице-премьер Георгий Степанов салайааччылаах өрөспүүбүлүкэ бырабыыталыстыбатын оробуочай бөлөҕө Муома улууһун Буор-Сыһыы сэлиэнньэтигэр отчуоттаата, диэн www.sakha.gov.ru…
Бу күннэргэ өрөспүүбүлүкэ улуустарын Землячестволара ааспыт сыллааҕы үлэлэрин түмүгүн таһаарар тэрээһиннэри ыыталлар. Ааспыт нэдиэлэ бүтүүтүгэр…