Хаартыска: СИА
Дьокуускайга Роман Дмитриев аатынан норуоттар икки ардыларынааҕы күрэхтэһии буолуон иннинэ успуорт уопсастыбата олимпийскай чөмпүйүөн пааматынньыгар сибэкки дьөрбөтүн уурдулар.
Бүгүн, кулун тутар 7 күнүгэр, Саха сирин чулуу тустууга 76 сааһын туолуохтаах этэ.
«Роман Михайлович — уһулуччулаах тустуук эрэ буолбакка, судаарыстыбаннай, уопсастыбаннай диэйэтэл. Кини физкултуура уонна успуорт сайдыытыгар турууласпыта уонна элбэх бырайыагы оҥорон олоххо киллэрбитэ. Кини аптарытыата, билиитэ, муудараһа биһигини өрүү өрө көтөҕөр. Ааспыт сылга Роман Михайлович 75 сыллаах үбүлүөйүн чэрчитинэн Ил Дархан Айсен Николаев үбүлүөйдээх тэрээһиннэри ыытарга сорудахтаабыта: Эдьигээҥҥэ успуорт киинэ аһыллыбыта, Дьокуускайга биэтэк баар буолбута, норуоттар икки ардыларынааҕы турнир тэриллибитэ, «Наука побеждать», «Мои тетради» кинигэлэр бэчээттэммиттэрэ, ону тэҥэ бүгүн «Первый» диэн фотоальбому билиһиннэриэхтэрэ», — диэн Физическэй култуура уонна успуорт миниистирин бастакы солбуйааччы Гаврил Мохначевскай эттэ.
«Роман Дмитриев төрөөбүт күнүгэр бары түмсэн, пааматынньыкка сибэкки дьөрбөтүн ууруу үтүө үгэскэ кубулуйда. Мин тус бэйэм Роман Михайловичтыын Ил Түмэҥҥэ бииргэ үлэлэһэр чиэскэ тиксибитим. 2008 сыллаахха Олимпийскай оонньуулар иннилэригэр кини миэхэ төлөпүөннээбитэ уонна Пекиҥҥэ ситиһиилээхтик кыттарыгар Байкал күөлгэ алгыс сиэрин-туомун ыытарга этии көтөхпүтэ. Салгыы Иркутскайга көрсүбүппүт, бэртээхэй алгыһы ыыппыппыт, ол кэннэ Пекиннээҕи Олимпийскай оонньууларга балачча ситиһиилээхтик кыттыбытым», — диэн Ил Түмэҥҥэ Ыччат, физическэй култуура уонна успуорт дьыалаларыгар сис кэмитиэтин бэрэссэдээтэлэ, боксаҕа Олимпиада боруонса призера Георгий Балакшин санаатын кытта үллэһиннэ.
Олимпийскай категориялаах судьуйа Алексей Базулин турнир бастыҥ спортсменнарын, судьуйаларын 11 төгүлүн түмэрин бэлиэтээтэ. Кини этэринэн, олимпийскай чөмпүйүөн уһулуччулаах тустуук эрэ буолбакка, тириэньэр, Арассыыйа сүүмэрдэммит хамаандатыгар педагог этэ.
Олимпийскай оонньуулар кыайыылаахтара Павел Пинигин этэринэн, тустуу уопсастыбата Роман Дмитриев төрөөбүт күнүгэр эрэ буолбакка, мэлдьи убайдарын, доҕордорун уонна бастакы Олимпийскай чөмпүйүөнүн өрүү ахталлар.
«Сыл ахсын Роман Михайлович, мин аҕам, тириэньэр, улуу спортсмен, үтүө доҕор уонна муударай уһуйааччы буоларынан сөҕөбүн», — диэтэ олимпийскай чөмпүйүөн уола Роман Дмитриев.
Санатан эттэххэ, олимпийскай чөмпүйүөн Роман Дмитриев аатынан норуоттар икки ардыларынааҕы күрэхтэһии Дьокуускайга кулун тутар 8-9 күннэригэр «Триумф» успуорт уораҕайыгар ыытыллыаҕа.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…