Хаартыска: СИА
Бэҕэһээ, кулун тутар 9 күнүгэр, Дьокуускай куоракка эр дьон уонна дьахталлар ортолоругар дартска Уһук Илиҥҥи федеральнай уокурук чөмпүйэнээтэ түмүктэннэ.
Икки күннээх күрэхтэһии устата 180-тэн тахса спортсмен кыынна. Бу туһунан Успуорт министиэристибэтин пресс-сулууспата иһитиннэрэр. Күрэхтэһии бастакы күнүгэр биирдиилээн уонна пааранан разрядтарга турнирдар, иккискэ – хамаанданан уонна микстынан ыытылыннылар.
Саха сирин сүүмэрдэммит хамаандата 1 кыһыл, 3 үрүҥ көмүс уонна 7 боруонса мэтээли ылан үчүгэй түмүктэри көрдөрдө. Ордук бэлитэммитинэн микстка кыһыл көмүһү ылыллар — финал хойут түүн түмүктэммит. Саха сирин хамаандатын утарсааччытынан Приморскай кыраай күүстээх хамаандата этэ. «Уһук Илин уокуруг чөмпүйэнээтэ Дьокуускайга аан бастакытын ыытылынна. Биһигини олус үчүгэйдик көрүспүттэрэ уонна тупсаҕай гостиницаларга олордубуттара. Кыттааччылар уонна дартсы таптааччылар элбэхтэрэ сөхтөрдө. Күрэхтэһии хойутаан түмүктэммитин да үрдүнэн, көрөөччүлэр матчтары интэриэһиргээн көрдүлэр. Саха сиригэр дартс салгыы сайдыаҕа, онно бары усулуобуйа баар, билигин саамай кылаабынайа баҕа баар буоларыгар эрэнэбит!», — диэн чөмпүйэнээт кылаабынай судьуйата Галина Сторожева бэлиэтээтэ. Сиһилии манна аах.
Күн-дьыл туруга бу күннэргэ хайдаҕый? Өрөспүүбүлүкэ арҕаа, хотугулуу-арҕаа, соҕуруу, киин оройуоннар арҕаа өттүлэригэр сорох сирдэринэн…
Бэҕэһээ, атырдьах ыйын 27 күнүн киэһэтигэр, Уус Алдан улууһун Сыырдаах сэлиэнньэтин эргэ оскуолатыгар баһаар буолбут.…
Үөһээ Бүлүү улууһун Хомустаах сэлиэнньэтигэр саҥа искибиэр үөрүүлээх быһыыга-майгыга аһылынна. Бу РФ Бэрэсидьиэнэ Владимир Путин…
2022 сыллаахха оҥоһуллубут Саха сиригэр саҥа көлүөнэ «Экстра Синема» киинэ ситимэ өрөспүүбүлүкэҕэ креативнай индустриялар уларыйыыларын…
«Сулустаах» түөлбэ аттыгар саҥа үөрэх дьылын саҕаланыытыгар 990 миэстэлээх 40-с нүөмэрдээх орто оскуола аһыллыаҕа. Аныгылыы…
Владивосток куората «Саха сирин тимир суоллара» акционернай хампаанньа Куубагын иһин мас-рестлиҥҥэ аан дойдутааҕы турниры ыытарга…