https://pxhere.com/ru
Сарсыардаҕын түргэн хааһыттан, хара кофеттан саҕалаама
Сарсыарда тугу аһыахха диэн толкуйдаан көрөөччүгүт дуо? Үксүбүт үөрэммит аһылыкпытыгар түһүспүтүнэн барарбыт саарбахтаммат. Түргэнник бутерброд, кофе үрдүгэр түһээччи да элбэх буолуохтаах.
Онтубут баара, тугу сүбэлииллэр эбитий? Бу туһунан «Газете.Ru» диетолог-быраас, психотерапевт, Самаратааҕы диетология уонна диетотерапия НИИ дириэктэрэ, профессора Михаил Гинзбург кэпсээбитин билиһиннэрэр.
Кини, бастатан, сарсыарда бэрт кэбэҕэстик буһаран сиир хааһынан, бэлэм аһылыгынан (сухой завтрак), хара кофенан, бутерброд оҥостон сииринэн үлүһүйэри ахсарбат.
«Сарсыарда туран тугу эмэ буһарарга бириэмэ ыгым, тиийбэт курдук буолар. Ол иһин, үксүн, түргэнник буһарыллар хааһы, бутерброд, бэлэм аһылык (сухой завтрак), кофе үрдүгэр түһэллэр. Олор улахан туһата суох аһылыктар. Түргэнник буһарар хааһы састаабыгар үксүн саахар бастакынан баар буолар. Бэлэм да аһылыкка (сухов завтрак) оннук. Бутерброду үксүн халбаһылыыллар. Оттон ол-бу эбиликтэнэн, оҥоһуллан тахсыбыт халбаһы туһата суоҕун билэҕит», — диэн кини бэлиэтээбит.
Маны сэргэ, сарсыарда хара кофены иһэр эмиэ туһата суоҕун ыйар. Төттөрүтүн куртаҕы ыарытыннарыан, аһытыан-кутутуон сөбүн, устунан гастриттанан да хаалыахха сөбүн этэр. ЖКТ ыарыылаахтары сэрэтэр. Итиэннэ, үүттээх кофе куртахха арыый сымнаҕас буоларын бэлиэтиир.
Диетолог сарсыарда ыстакааннаах ууну иһэргэ сүбэлиир. Итиэннэ аһы эрдэ бэлэмнээн баран, үлэҕитигэр илдьэ барыҥ диэн этэр. Маны сэргэ, овсянка хааһыны буһаран баран онно сухофруктаны эбэргэ сүбэлээбит. Ону сэргэ, оҕуруот аһа, сымыыт ордугун, арсаанай килиэпкэ (ржаной хлеб) салаат сэбирдэҕэ ууран сиири этэр.
Бүгүн Саха сиригэр Ийэ күнэ. Орто дойдуга кыыс оҕо буолан айыллан кэлэн, кэргэн тахсан уоллаах…
Тыа сиригэр кэлиҥҥи сылларга араас социальнай суолталаах тутууну тэҥэ устуоруйаны үйэтитэр араас пааматынньыктар, искибиэрдэр тутуллаллар.…
Светлана Свинобоева – элбэх оҕолоох ийэ, бэйэ дьыалатын сайыннарар урбаанньыт. Кини аныгы үйэ дьахталларыттан уратыта…
Саха сиригэр Ийэ күнүн көрсө Кэбээйи улууһун Куокуй нэһилиэгин "Угуйаан" култуура киинигэр күн күбэй ийэлэрбитигэр,…
Соторутааҕыта успуорт эйгэтиттэн өссө биир үөрүүлээх сонун кэллэ. Эдэркээн Айаал Сивцев паралимпиецтарга чэпчэки атлетикаҕа дьаадыраны…
Аныгы балысханнаах олоххо сиэр-майгы тиэмэтэ сытыырхайан иһэр. Онон “Сиэр-майгы” балаһабытыгар бүгүн тоҕо эрэ “Оптуобус кэпсээнэ”…