1986 с.т. эр киһи саанан ытыллан, улаханнык бааһыран балыыһаҕа киирбит

Ааспыт суукка устата өрөспүүбүлүкэҕэ 3 буруйу оҥоруу  тахсыбыта бэлиэтэннэ. Процессуальнай бэрэбиэркэлэри ыытыы уонна холуобунай дьыалалары силиэстийэлээһин СӨ Борокуратууратыгар хонтуруолга ылылыннылар, диэн СӨ Борокуратууратын пресс-сулууспата иһитиннэрэр.

Дьокуускайга хатааһыннаах ыскылааты алдьатан киирэн, циркулярнай эрбиини уорбуттар. Ону таһынан, «счетчигы уларытабыт» диэн түөкүттэр угаайыларынан 1962 с.т. эр киһиттэн 1,8 мөлүйүөнтэн тахса солкуобайы уоруллубут чахчынан холуобунай дьыала тэрилиннэ.

Уус-Маайа оройуонун Бэлкэчи сэлиэнньэтигэр 1986 с.т. эр киһи доруоптаах саанан ытыллан, улаханнык бааһыран балыыһаҕа киирбит. Уорбаланааччы быһаарылынна.

Киин куоракка Ильменскай уулуссаҕа турар дьиэ үһүс этээһиттэн түннүгүнэн сууллан, 1985 с.т. эр киһи балыыһаламмыт. Киһи өлүүлээх суол быһылаана бэлиэтэммэтэ. Суукка устата итирик туруктаах уруулга олорбут 7 суоппар тутулунна.