Хаартыска: Үлэҕэ уонна социальнай сайдыыга миниистиэристибэтэ
Кулун тутар 25 күнүгэр Дьокуускайга байыастары уонна кинилэр дьиэ кэргэттэрин психологическай реабилитациялааһыннарын идэлэргэ үрдэтии кууруһа саҕаланна.
Лекторынан байыаннай уонна кириисис психолога, байыаннайдарга психологическай көмөҕө баай уопуттаах, педагогическай наука кандидата Виктория Голобородова кыттар.
Виктория Анатольевна профессиональнай психотерапевтическай лигатын чилиэнэ, Арассыыйа психологтарын холбоһугун Москватааҕы отделын салайааччытынан буолар. Ону сэргэ «Сыны Отечества» уонна «За Отчизну» телевизионнай биэриилэри ыытар этэ. Байыаннай-патриотическай үлэҕэ бэйэтин кылаатын иһин мэтээлинэн наҕараадаламмыта.
«Бу олус дьоһуннаах тиэмэ, – диэн Виктория Голобородова бэлиэтээтэ. – Бу үс күн устата буойуттары уонна кинилэр чугас дьоннорун психологическай реабилитациялааһыннарын туһунан кэпсэтиэхпит. Куурус кыттыылаахтара саамай муҥутуур билиини ылалларыгар кыһаллабын».
Куурустарга Саха сирин социальнай эйгэтин 65 исписэлиистэрэ кыттыыны ылаллар. Кинилэр истэригэр – нэһилиэнньэ социальнай көмүскэлин, реабилитациялыыр кииннэрин, кырдьаҕастарга уонна инбэлииттэргэ интэринээт-дьиэлэрин исписэлиистэрэ, социальнай үлэһиттэрэ, реабилитологтара, сиэстэрэлэрэ уонна психологтара. Куурус түмүгүнэн кулун тутар 28 күнүгэр истээччилэргэ түмүк аттестация ыытыллыаҕа.
СӨ Үлэҕэ уонна социальнай сайдыыга миниистирэ Елена Волкова биэдэмистибэлэр структуралара байыаннай дьайыы саҕаланыаҕыттан үп-харчы өйөбүлүнэн эрэ буолбакка, социальнай реабилитациялааһынын эйгэтигэр биллэр көмөнү оҥороллорун бэлиэтээтэ.
«Бары реабилитациялыыр кииннэр хара маҥнайгыттан анал бырагыраамалары оҥороллор уонна олоххо киллэрэллэр. Кинилэр бэйэлэрин да, төрөппүттэрин да, ыарахан быһыыга- майгыга түбэспит ыалларга да өйөбүллэри оҥороллор. 1709 киһи номнуо маннык көмөнү туһаннылар, ол иһигэр 487 кыттааччы уонна кинилэр дьиэ кэргэттэрин 1222 чилиэттэрэ. Биһиги исписэлиистэрбитигэр анал билии наадатын өйдүүбүт. Бу куурустар байыаннай даьйыы кыттыылаахтарыгар уонна кинилэр дьиэ кэргэттэригэр көмөлөһөрбүтүгэр туһалыаҕа диэн эрэнэбит», — диэтэ Елена Волкова.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…