Хаартыска: Андрей Сорокин, СИА.
Ил Дархан Айсен Николаев куорат Гагариннааҕы уокуругар тутулла турар симиэнэҕэ 600 киһини көрүөхтээх 2 №-дээх куорат балыыһатын поликлиникатын бэрэбиэркэлээтэ, диэн иһитиннэрэр Ил Дархан уонна Бырабыыталыстыба пресс-сулууспата.
“Киин куорат бу оройуонугар доруобуйа харыстабылын эбийиэгэ суоҕун кэриэтэ, дьоннор кыһалҕаттан ааспыт үйэ 60-с сылларыгар тутуллубут дьиэлэргэ көрдөрүнэргэ күһэллэллэр, — диэтэ Айсен Николаев. – Бу поликлиника уокурукка баар 5 мэдиссиинискэй эбийиэги холбуоҕа. 9 тыһ кв.м. иэннээх, аныгы тиэхиньикэнэн сэбилэммит бастакы звено саамай улахан эбийиэгэ буолар”.
Саҥа дьиэҕэ атын-атын ааннардаах үс подразделение баар буолуоҕа: симиэнэҕэ 300 киһи сылдьар улахан дьон поликлиниката, симиэнэҕэ 180 оҕону көрөр оҕо поликлиниката, 120 киһи сылдьар дьахтар консультацията, диагностическай уонна терапевтическай отделениелар, клинико-диагностическай лаборатория, лучевой диагностика отделениета, чөлгө түһэрэр эмтээһин, суһал көмө кабинета, күнүскү стационар уонна бэйэлэрин call-кииннэрэ.
Тутуу “ВИС” группаны кытта судаарыстыбаннай-чааһынай бииргэ үлэлээһин чэрчитинэн ыытыллар. Медико-тиэхиньиичэскэй сорудаҕын оҥорууга кылаабынай быраас уонна поликлиника исписэлиистэрэ көхтөөх кыттыыны ылбыттар.
“Сүрүн сорукпут квалифицированнай мэдиссиинискэй каадырынан хааччыллыы буолар, — диэтэ Айсен Николаев. – Кинилэри бэлэмниири түргэтэтиэххэ наада. Бүгүн Саха сиригэр саҥа балыыһалар, поликлиникалар, ФАП-тар, амбулаториялар тутуллаллар. Балар бары квалифицированнай мэдиссиинискэй исписэлиистэринэн хааччыллыахтаахтар”.
Эбийиэк тутуутун бэлэмэ 25%. Күн бүгүн манна 93 тутааччы уонна 5 тиэхиньикэ үлэлии сылдьар. Ил Дархан эбийиэги эһиил бэс ыйыгар киллэрэргэ сорудахтаата.
Бүгүн, ахсынньы 25 күнүгэр, өрөспүүбүлүкэ хоту, соҕуруу өттүгэр кыралаан хаардыаҕа. Соҕуруулуу-илин хаар сөбүгэр түһүөҕэ. Киин,…
Бүгүн, ахсынньы 25 күнүгэр, Дьокуускайга 1-8 кылаас үөрэнээччилэригэр актированнай күн биллэрилиннэ. Бу туһунан Дьокуускай куорат…
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…