Хаартыска: М.Васильева (ЯСИА)
Дьокуускай куорат таһаҕаһы тиэйэр биир хампаанньатын 50 саастаах үлэһитэ Ис дьыала министиэристибэтин управлениетын 4 нүөмэрдээх полициятыгар кэпсээбитинэн, кини сокуоннай сааһын ситэ илик кыыһын төлөпүөнүгэр «училище администраторабын» диэн эрийбиттэр.
Эрийбит киһи судаарыстыбаннай өҥөлөргө регистрацияланарга уонна СМС-куодтары этэргэ көрдөспүт. Кыыс ити дьайыылары оҥорбутун кэннэ киниэхэ эмиэ билбэт киһитэ эрийэн, аккаунын алдьаппыттарын, онно кини туһунан чахчылары барытын түөкүттэр билбиттэрин туһунан эппит. Онтон кыыс ийэтигэр эрийбиттэр. Олус уолуйбут ийэ түөкүн этиитинэн кирэдьиит ылар докумуоннары толорбут, кирэдьиит уонна тус харчытын «куттала суох счекка» ыыппыт. Ол түмүгэр кини 2 мөлүйүөнтэн тахса харчытын былдьаппыт (аҥаара кирэдьиит ылбыт харчыта).
Онтон 49 саастаах харабыл киһи төлөпүөнүн хасыһа олорон эбии хамнас ылар кыах туһунан угуйугу көрбүт. Туһааннаах сигэҕэ киирэн, сайаапка хаалларбыт, ол кэнниттэн киниэхэ биржа хампаанньатын үлэһитэбин диэн эрийбиттэр уонна эр киһи кирэдьиит ыларыгар эппиттэр. Ол кэнниттэн түөкүттэр кини счетуттан 656 тыһыынча харчытын устан ылбыттар.
62 саастаах мэдиссиинэ үлэһитигэр «Энергосбыттан» эрийэбит диэн счетчигын уларытарыгар эппиттэр. Төлөпүөннээбит дьон тугу эппиттэрин барытын толорон, дьахтар харчытыттан маппыт.
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…
Арассыыйа Бэрэсидьиэнэ Владимир Путин пресс-кэмпириэнсийэни кытта холбоммут быһа сибээс кэмигэр дьиэ кэргэни өйөөһүҥҥэ улахан болҕомтону…
«Газпромбаан» вице-бэрэсидьиэнэ, «Үрдүкү технологиялаах мэдиссиинэ көмөтө» аһымал пуондатын сэбиэтин бэрэссэдээтэлэ Сергей Фурсенко Саха сиригэр оробуочай…
Эһиилги «Дыгын оонньууларын» чөмпүйүөнэ үс мөлүйүөн солкуобайы уонна 7 мөлүйүөн солкуобайтан тахса сыаналаах Дьокуускай куоракка…
Түөкүттэр тус дааннайдары сыыппараҕа көһөрөбүт диэн военкомакка “ыҥырар” саҥа исхиэмэни толкуйдаабыттарын ИДьМ матырыйаалларыгар сигэнэн ТАСС…
Дьокуускай олохтооҕо киһини өлөрөргө соруммутунан буруйдааҕынан билинилиннэ. Кини ритаульнай киинигэр киһиэхэ быһахтаах саба түспүт. 57…