Хаартыска: Уус Алдан улууһа/Навигаторы детства телеграмыттан.
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут, холкутуйуу холобурун көрдөрбүт.
Уол күөл аттыгар оонньуу сылдьан көмөҕө ыҥырар хаһыыны истибит. Куттаммакка, саҥа хоту сүүрбүт, ойбоҥҥо сатаан хамсаабат буола тоҥмут биир дойдулааҕын көрбүт. Эрхан төһө даҕаны кыратын иһин уолуйбатах. Маҥнай эр киһиэхэ бэйэтэ көмөлөһө сатаабыт, ол эрээри, соҕотоҕун кыайыа суоҕун өйдөөн, чугастааҕы дьиэлэргэ көмө көрдүү сүүрбүт.
Кэлин биллибитинэн, эмсэҕэлээччи инсуллаабыт, икки чаас устата тымныыга сыппыт эбит. Бытаарыы хас биирдии мүнүүтэтэ алдьархайга тириэрдиэн сөп этэ. Баара-суоҕа иккис кылаас үөрэнээччитин быһаарыылаах, суһал дьаһаныытын түмүгэр, эр киһини балыыһаҕа тириэрдэ охсон, мэдиссиинэ көмөтүн оҥорбуттар.
Быыһаммыт киһи дьиэ кэргэнэ кырачаан дьоруойга махтанаары уонна бэлэх туттараары оскуолаҕа тиийбит.
Бу быһыы – эр санаа уонна эппиэтинэстээх буолуу дьиҥнээх холобура. Эрхан Захаров хас баҕарар сааска киһи дьоруой буолуон сөбүн итэҕэттэ. Бу туһунан Уус Алдан улууһа/Навигаторы детства телеграм-ханаалыгар суруйаллар.
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…
Бүгүн байыаннай-бэлитиичэскэй үлэҕэ Илиҥҥи байыаннай уокурук сэриилэрин командующайын солбуйааччы Роман Грековы кытта СӨ премьер-миниистирэ Кирилл…