Иккис Мээтис нэһилиэгин баһылыгын быыбара түмүктэннэ

Орто Халыма улууһун  2-с Мээтис нэһилиэгин баһылыгын быыбара буолан ааста. 497 №-дээх учаастактааҕы быыбардыыр хамыыһыйатын (УИК) дааннайынан, быыбарга 220 быыбардааччы кыттыбыт, ол эбэтэр, быыбардааччылар испииһэгэр киирбит дьон 48,14 бырыһыана.

Куоластааһын түмүктэнэр кэмигэр быыбардааччылар испииһэктэригэр 457 киһи киирбит. Быыбардыыр бүлүтүөҥҥэ үс хандьыдааттан, бары тус бэйэлэрэ туруоруммуттар.

Быыбардааччылар куоластара маннык ааҕылынна:

• Гоголев Тарас Тарасович, 31.10.1982 с.т., үрдүк үөрэхтээх, тус бэйэтэ туруоруммут, СӨ «Дьиэ уонна хомуналынай хаһаайыстыба» ГУП Орто Халыматааҕы салаатын ититии хаһаайыстыбатын маастара. Киниэхэ 91 быыбардааччы куоластаабыт, эбэтэр быыбарга кыттыбыт дьон 41,36 бырыһыана.
• Слепцов Николай Алексеевич, 17.04.1982 с.т., тус бэйэтэ туруоруммут, «Ростелеком» ПАО Орто Халыматааҕы сибээс киинин электромонтера. Киниэхэ 109 быыбардааччы куоластаабыт, эбэтэр быыбарга кыттыбыт дьон 49,55 бырыһыана.
• Эверстов Анатолий Николаевич, 30.11.1995 с.т., тус бэйэтэ туруоруммут, СӨ «Халыматааҕы тыа хаһаайыстыбата» ГКУ маастара. Киниэхэ 11 быыбардааччы куоластаабыт, эбэтэр быыбарга кыттыбыт дьон 5 бырыһыана.

Онон, Орто Халыма улууһун 2-с Мээтис нэһилиэгин баһылыгын быыбарыгар Слепцов Николай Алексеевич кыайыыны ситистэ.

Куоластааһын хаамыытын СӨ Уопсастыбаннай балаатата анаабыт кэтээччилэрэ хонтуруоллаатылар. Быыбардааччылар хамыыһыйаларыгар уонна быраабы харыстыыр уорганнарга быыбар туһунан күҥҥэ баар сокуону кэһии туһунан үҥсүүлэр уонна сайабылыанньалар киирбэтэхтэр. Куоластааһын быыбар сокуонун бары ирдэбиллэригэр толору сөп түбэһиннэрэн ыытыллыбыт, диэн Киин быыбардыыр хамыыһыйа иһитиннэрэр.